Psalm 37:5 - De Beebaa Dabu

⁵ Hagatuu ina ange oo dagodo gi Tagi Maolunga; hagadonusia hogi ia, gai ia ga hagahai hegau mee nei.

Psalm 37:5 Iomraidhean Croise

Genesis 24:12

Gai ia ga dalodalo ga hagadaba, “Tagi Maolunga, de Maadua o dogu dangada aamua go Abraham, au e dangidangi adu, haia gi ssula danuaa dagu hegau ailaa nei, gai abodonu ange gi dogu dangada aamua go Abraham.

De Beebaa go Job 22:28

Au mee e hagatau e hai e hagassula naa donu, gai de maalama e hagamaalama naa oo haiava.

Psalm 22:8

“Ia e hagadonu Tagi Maolunga; Tagi Maolunga gi hagaola ina ia. Ia gi hagamouli ina ia, i hiidinga ia e malangilangi i de ia.”

Psalm 55:22

Hagauda ina ange oo daemaha gi honga o Tagi Maolunga, gai ia ga bale adu goe; ia e dee dugu ange naa donu tangada heohi gi baguu.

Proverbs 16:3

Hagatuulia ange au hegau gi Tagi Maolunga, gai au hagatau e hagadagadaga age naa donu.

Ecclesiastes 9:1

Au ne hagasaele mee nei alodahi ga hagadaba bolo gilaadeu e heohi ma gilaadeu e heiangi, aama alaadeu hegau, go de Maadua e hagasauaa ina. Gai e deai donu se dangada e iloo be go de aaloha aabe go de kino e gaavange gi de ia.

Lamentations 3:37

Goai e maua i de tala dahi muna gai e hai ga bei, noo de Ia Aamua laa e dee dugu ange?

Matthew 6:25

“Deenei ai, au e hai adu gi goodou, goodou aude manavasaa i oodou mouli, ma oodou mee e gai, be go oodou mee e unu, aabe gi manavasaa i oodou angaanga, ma oodou mee e kahu ai. E aha, e dee hagamogomogo ange de mouli o tangada i denga gai, gai de angaanga e hagamogomogo ange i malo e kahu ai?

Luke 12:22

Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai.

James 4:15

Aagai goodou hagataba, “Noo e heohi mai i daho Tagi Maolunga, gai gimaadeu e mouli naa ga hai dahi mee ma dahi mee.”

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.

1 Samuel 12:4

Gai gilaadeu ga hai ange, “Koe tee gaiaa donu amaadeu mee be ne vaivai hai gimaadeu, aabe ne kave mee a dahi dangada.”