Psalm 34:3 - De Beebaa Dabu

³ Hagaamua ina Tagi Maolunga madali au, gidaadeu ga hagaamua dono ingoo!

Psalm 34:3 Iomraidhean Croise

1 Chronicles 16:10

Hagamahamaha ina dono ingoo dabu; dangada alodahi e saalaa Tagi Maolunga gi malangilangi!

1 Chronicles 29:20

Muli mai gai David ne hai ange gi dangada alodahi gu hagabuni laa, “Duuhia Tagi Maolunga doodou Maadua.” Gai dangada alodahi ga tuhi Tagi Maolunga, de Maadua o olaadeu dubuna madagidagi, ga ino gi lalo ga daumaha ange gi Tagi Maolunga, ma de hagadubu de hodooligi.

2 Chronicles 29:30

Gai de hodooligi go Hezekiah ma denga dagi ga hai denga daane de aamuli o Levi gi daahili gi duuhia Tagi Maolunga, i denga daahili a David ma Asaph taane e daalaa mee e loomai. Gai gilaadeu ga daahili i denga daahili tuhi ma de malangilangi aama de duuduli ga daumaha.

Psalm 35:27

Haia gi hevaalogi i de malangilangi ma de llodo danuaa, gilaadeu e llodo danuaa i dogu hagaheohi; gai gilaadeu gi hagataba i masavaa alodahi, “Hagaamua ina Tagi Maolunga, go de ia e malangilangi i de duadonu o dono dangada hai hegau.”

Psalm 40:16

Aagai haia dangada alodahi e saalaa goe gi malangilangi ma de llodo danuaa i de goe; gai dangada e llodo i dau hagaola gi hagataba i masavaa alodahi, “Hagaamua ina Tagi Maolunga!”

Psalm 66:8

Denga huaadangada, goodou duuhia taadeu Maadua, gai haia gi langona e dangada doodou tuhi ia;

Psalm 69:30

Au e daahili e tuhi de ingoo o de Maadua, ma de hagaamua ia aama de hagaahe ange de abodonu.

Psalm 69:33

I hiidinga Tagi Maolunga e hagallongo talodalo a tangada e duasala, gai ia e dee ngalo ono dangada e nnoho i lo te hale pono.

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Jeremiah 9:24

aagai tangada e lodo e tuhi, ia gi duuhia dono donu ange ma dana iloo au, gai go au Tagi Maolunga, de ia e abodonu laa, ma de hai hegau i de hagamodu heohi ma de heohi i henua i lalo, go hiidinga aanei mee oogu e malangilangi ai, go Tagi Maolunga e hagadaba.

Luke 1:46

Gai Mary ga hagadaba, “Ogu lodo e tuhi Tagi Maolunga;

Acts 19:17

Gai longo o mee laa gu dele i magavaa o de gau Ssuu ma de gau Greek alodahi e nnoho laa i Ephesus. Gai gilaadeu alodahi gu maatagu mmao, gai dangada gu hagadubu de ingoo o Tagi Maolunga go Iesu.

Philippians 1:20

Gai dagu tali ma dagu tali hagalodolodo bolo au e dee dogaa naa donu i dahi mee daudahi, aagai au e lo taane iainei aama masavaa alodahi i de hagamahamaha Klisdo i dogu angaanga nei, e dee hilihili be au e mouli aabe e magau.

Revelation 14:7

Gai ia ne oo i de leo mmahi ga hagadaba, “Goodou maatagu i de Maadua, gai hagamahamaha ina ia, go hiidinga de aoaa aana e hagamodu ai muna gu dae mai donu; gai daumaha ange gi de ia ne haia de langi ma henua i lalo, ma tai aama denga saalingaa vai.”