Psalm 33:7 - De Beebaa Dabu

⁷ Ia ne hagabudu denga lausedi bei vai i lo te manu hao vai; gai ia ne dugu de moana gelo i lodo mommee doange.

Psalm 33:7 Iomraidhean Croise

De Beebaa go Job 26:10

Ia e maaga honga de vai, ma de vvae de maalama mai i de gohu.

Psalm 78:13

Ia ne hhanga lua de vai gai gilaadeu ga seesee i ono lodo, gai ia ne hai denga vai gi hagabudubudu gi tuu gi lunga.

Exodus 15:8

Koe ne busi i luoo bongaa usu gai denga vai gu hagabudubudu age. Denga vai ne tuu gi lunga bei dagodo o de bae hadu, gai vai i lo te vai gelo laa gu makaga.

Proverbs 8:29

ma de masavaa aana ne hagamodu ai de ngaadonga o tai, gi dee hagahaisala ina ai e tai ana muna, ma de masavaa aana ne hagailonga ai denga dagelo o henua i lalo.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Habakkuk 3:15

Koe ne hai au hoosa gi dagadagahia honga tai, gi beabeau ai honga denga tai mmahi laa.

Joshua 3:13

Gai de masavaa naa huu o de gau haimeedabu e sabaia laa de ngavesi a Tagi Maolunga — de Ia Aamua o henua alodahi — e tuu ai olaadeu vae i lo te vai o Jordan, gai ono vai gu tuu de ssali iho; denga vai e loiho laa i lunga gu tuu de loiho, ga hagabudubudu age i dahi mommee.”

Joshua 3:16

gai vai e loiho laa i lunga gu tuu de ssali iho, gai gu hagabudubudu age i dahi mommee mmao, i de aduhale go Adam, se damaa aduhale e baa ange gi Zarethan. Gai vai e loiho laa ma e hulo gi Tai o Arabah (e bei, go Tai o Soolo) gu modu gee. Gai de huaadangada ne seesee ga hulo gi de baasi gee i gaogao o Jericho.