Psalm 33:3 - De Beebaa Dabu

³ Daahili ange gi de ia i taahili hoou; hagadangidangi ma de hevaalogi i de malangilangi.

Psalm 33:3 Iomraidhean Croise

1 Chronicles 13:8

Gai David ma de gau Israel alodahi ne malangilangi mmao i mada luu mada o de Maadua, i de daahili ma de hagadangidangi i denga lyre, ma harp, ma tambourine, ma cymbal aama trumpet.

1 Chronicles 15:22

Gai Kenaniah, taane de aamuli o Levi e dagina laa de gau daahili, ne hai de hegau laa i hiidinga ia se daane e mmau i de hai daahili.

1 Chronicles 25:7

Gai taelodo o denga daane nei ma olaadeu dangada ne agoago laa i de hai denga daahili ange gi Tagi Maolunga se 288.

2 Chronicles 34:12

Gai denga daane laa ne kana ange ga hai de hegau laa. Gai denga daane ne dagina gilaadeu go Jahath, ma Obadiah, luu daane de aamuli o Levi mai i de hagadiilinga o Merari, aama Zechariah ma Meshullam, mai i de hagadiilinga o Kohath. Gai denga daane alodahi i de aamuli o Levi e mmau i de hagadangidangi i denga mee hagadangidangi

Psalm 144:9

De Maadua, au e daahili adu gi de goe i dahi daahili hoou; ma de hagadangidangi adu i de harp e madaangahulu ono daula,

Psalm 149:1

Duuhia Tagi Maolunga! Daahili ange gi Tagi Maolunga i taahili hoou, dono tuhi gi haia i daho de hagabuulinga o de gau dabu.

Psalm 40:3

Ia ne hai au gi daahili i dahi daahili hoou, se daahili e tuhi ai taadeu Maadua. Dangada soa e maatagu naa i delaadeu gidee, gai gilaadeu e hagadonusia naa Tagi Maolunga.

Psalm 40:4

E manuuia tangada e hagadonusia Tagi Maolunga, gai e dee ssala dono bale i daho de gau lodo maolunga, go gilaadeu e daudali ange i denga ngadi diinonga.

Psalm 96:1

Daahili ange gi Tagi Maolunga i taahili hoou; henua i lalo alodahi, daahili ange gi Tagi Maolunga.

Psalm 98:1

Daahili ange gi Tagi Maolunga i taahili hoou, i hiidinga o ana hegau hagalele mouli gu hai; dono lima madau ma dono lima dabu gu hai ma gu kii ia.

Isaiah 42:10

Daahili ange gi Tagi Maolunga i taahili hoou, duuhia ia i henua i lalo alodahi, go goodou e loiho gi tai, ma mee alodahi i ono lodo, goodou denga mommee i tagudai, ma mee alodahi e mouli i kilaa.

Ephesians 5:19

Gai goodou hagadau pasa i denga Psalm, ma denga daahili daumaha, aama daahili i de baasi gi de hagasaalunga. Goodou daahili ga tuhi Tagi Maolunga i oodou lodo alodahi,

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

Revelation 14:3

Gai gilaadeu ne hua dahi daahili hoou i mada i mua o de nohoanga laa, ma denga mee mouli e haa laa, aama denga daane maatua laa. Gai e deai donu se dangada e iloo taahili laa, go togo 144,000 donu huu gu hagao mai laa i henua i lalo.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.