Psalm 33:16 - De Beebaa Dabu

¹⁶ De hodooligi e dee ola i hiidinga de soa dono hagabuulinga hebagi; gai taane abo i de hebagi e dee ola i de kona dono mahi.

Psalm 33:16 Iomraidhean Croise

1 Kings 20:10

Gai Ben-Hadad ne aalu ga hai ange gi Ahab, “Denga maadua gi hagaduasala ina donu au, noo au e dugu gi doe hanu momo gelegele i Samaria gi dohu ai lodo lima o ogu daane hebagi.”

1 Kings 20:15

Gai Ahab ne hagahi denga daane hai hegau o dagi o denga vaaenga e 232. Ia ne hagabuni hogi de gau Israel ange laa, gai se hidumano gilaadeu alodahi.

2 Chronicles 13:8

Gai iainei goodou gu maanadu bolo goodou ga hai baasi ange gi de nohoanga hodooligi a Tagi Maolunga gu gaavange laa gi de aamuli o David. Goodou se hagabuulinga hebagi soa, gai oodou diinonga kaau goolo madali goodou, go mee a Jeroboam ne hai moodou.

2 Chronicles 20:12

Demaadeu Maadua, koe gi hagaduasala ina gilaadeu. Go hiidinga gimaadeu e dee pau ange gi de hagabuulinga hebagi soa gu loomai nei e hebagi mai gi gimaadeu. Gimaadeu e dee iloo be ni aha amaadeu ga hai, aagai gimaadeu e tali de bale mai i oo daha.”

2 Chronicles 20:23

Denga daane Ammon ma denga daane Moab ne huuhuli ange ga hebagi ange gi denga daane mai de mounga go Seir, ga daa gilaadeu gu odi i de maakau. Gai dua huu delaadeu daa ga odi denga daane mai i Seir, gai gilaadeu ga hagadau daa donu huu gilaadeu.

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

De Beebaa go Job 36:7

Ia e dee galo gee donu i gilaadeu e heohi; gai e hagannoho gilaadeu madali denga hodooligi i honga duulanga maolunga, ma de hagaamua gilaadeu ga hano ai.

De Beebaa go Job 39:11

E aha, koe e maua i de hagadonu de kaau aada, i hiidinga de kona dono mmahi, ma de dugu ange ia gi haia au hegau?

Psalm 20:8

Gilaadeu e hagamaolalo ina naa ma de baakuu, aagai gimaadeu e hiihidi age naa ga tuu gi makaga.

Psalm 44:3

Gai e dee go alaadeu gadilaasa alaadeu ne kave ai de henua, aabe go olaadeu mahi ne haia ga kii gilaadeu; aagai go doo lima madau, ma doo lima mmahi, aama de maalama o luoo mada, go hiidinga koe ne malangilangi i gilaadeu.

Exodus 14:28

Gai denga vai ga aahe mai ga haoli denga hada hebagi, ma denga daane e saavini i denga hoosa, aama de hagabuulinga hebagi alodahi o Pharaoh ne dolohia laa gilaadeu gi lo te vai; aagai teai donu se gilaadeu ne ola.

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

Jeremiah 48:14

Dee hee doodou hai e hagataba ai naa, ‘Gimaadeu ni daane hebagi mmahi, gai ni daane e aabo i de hebagi?’

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Hosea 10:13

Goodou ne doo de baubau, gai goodou gu hagihagi hua o de baubau, goodou ne gai hogi hua o de hadu muna. Gai go hiidinga goodou ne kai ange gi oodou mahi donu ma oodou daane hebagi soa,

Amos 2:14

Taane gemo e dee maua naa donu gi ola, taane mmahi e dee maua naa donu i de hagammahi ia, taane hebagi dau e dee maua naa hogi i de hagaola dono mouli.

Amos 2:15

Taane e dilia mee hholu e dee maua naa donu i de duu gi makaga, gai taane hebagi e dee maua naa hogi i de hagamoolau e hano, taane e gage i honga de hoosa e dee maua hogi i de hagaola dono mouli.

Joshua 14:12

Deenei ai, gaamai gi de au de mommee iai mounga, go de mommee a Tagi Maolunga ne hagatoo donu mai laa gi de au i de laangi laa. Koe ne langona donu i de laangi laa, bolo de gau Anak gu nnoho i kilaa, i lodo olaadeu aduhale nnui gai e buibui; gai noo Tagi Maolunga e hano madali au, gai au e hai gilaadeu gi hulo gee mai i de henua laa, bei de hai a Tagi Maolunga gu tala ai.”

Judges 7:2

Gai Tagi Maolunga ga hai ange gi Gideon, “Gu gona odi de soa daane madali goe, gai au ga dugu adu ai au goodou gi hagadee kii ina de gau Midian, gi dee duuhia ai donu huu e de gau Israel gilaadeu, ga dee hagadubu ai au.

Judges 7:4

Gai Tagi Maolunga ne hai ange gi Gideon, “E goi gona odi huu de soa denga daane. Gaavee gilaadeu gi de vai, gai au ga hagatale ange ai olaadeu dagodo i kilaa. Tangada naa huu aagu e hai adu bolo ia e hano madali goe, gai ia e hano; gai tangada naa huu aagu e hai adu bolo ia e dee hano madali goe, gai ia e dee hano.”

1 Samuel 17:4

Gai dahi daane dau i de hebagi, ne humai i de mommee nnoho o de gau Philistia, ia se daane mai i Gath, dono ingoo go Goliath. Dono looloa se ono sugilima ma dahi ianga.

1 Samuel 2:9

Ia e hagaloosi tangada e hai hegau i de mee abodonu; aagai de gau baubau e maakau naa i lo te gohu. E dee go mahi o tangada oona e kii ai;