Psalm 33:10 - De Beebaa Dabu

¹⁰ Tagi Maolunga e hai gi dee ssula hagatau a denga huaahenua, ma de hai gi dee haigamaiana hagatau a dangada.

Psalm 33:10 Iomraidhean Croise

Genesis 11:8

Gai Tagi Maolunga ne hai gilaadeu gi hulo gee mai i kilaa, gi mavaevae saele i henua i lalo alodahi, gai gilaadeu ga tuu de hagaduu age de aduhale laa.

2 Samuel 15:31

Gai hanu ne tala ange gi David, ga hai ange, “Ahithophel go dahi dangada e balea ange Absalom.” Gai David ne dalodalo ga hai ange, “Tagi Maolunga, au e dangidangi adu koe gi haia gi dee ssula muna bale a Ahithophel.”

2 Samuel 15:34

Aagai noo koe e ahe gi de aduhale ga hai ange gi Absalom, ‘De hodooligi, au se dangada hai hegau niiou, bei dogu hai nogo hai hegau ange ai laa gi doo damana i mua,’ gai koe ga hai ai gi dee ssula muna bale a Ahithophel.

2 Samuel 17:14

Gai Absalom ma denga daane alodahi o Israel ne hai ange, “Muna bale a Hushai, taane Erek, e danuaa ange i muna bale a Ahithophel.” Go hiidinga Tagi Maolunga gu hai gi dee ssula muna bale a Ahithohphel, gai ia ga hagahai ngadaa ai Absalom.

2 Samuel 17:23

De masavaa huu a Ahithophel ne gidee ai bolo dangada tee daudali i ana muna, gai ia ga gage i honga dana donkey ga hano ai gi dono hale i dono aduhale. Gai ia ga hagadabena mee alodahi i dono hale, gai ia ne hano ga gabaea. Deelaa ai, ia ne magau ga danu i lo te daanunga a dono huaabodu.

2 Kings 6:9

Aagai taane o de Maadua ne aalu ga hai ange gi de hodooligi o Israel, “Diiloo gi dee hulo goodou gi de mommee laa, go hiidinga denga daane Syria gu hulo ma e nnoho i kilaa.”

Nehemiah 4:9

Gai gimaadeu ne dalodalo ange gi demaadeu Maadua, ma de dugu hanu dangada gi hagaloosia i de laangi ma de boo e buibui ai gimaadeu i gilaadeu.

Psalm 140:8

Tagi Maolunga, aude dugua ange gi bei lodo o tangada baubau; aude dugua ange gi ssula ana hagatau baubau! Selah

Psalm 21:11

Noo gilaadeu e hagatau e hai baasi adu gi de goe ma de hai denga maanadu de vaivai daakodo, gai alaadeu hagatau e dee ssula donu.

Psalm 9:15

Denga huaahenua gu too ange gi lo te geelinga alaadeu ne geli; olaadeu vae gu llave i de galauna alaadeu ne dugu hagammuni.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Isaiah 19:3

De gau Egypt e baageaa naa olaadeu lodo, gai au e hai naa gi dee ssula alaadeu hagatau; gilaadeu e ssala naa de bale mai i daho denga diinonga ma hagasaalunga o de gau maakau, ma denga hilohilo ma eidu aama gilaadeu e pasa ange gi denga hagasaalunga.

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Isaiah 44:25

Gai go au e haia gi dee ssula hagailonga a denga pelaabisi hadu muna, ma de hai de gau e daalaa mee loomai gi bei de gau llodo ssenga, ma de hai gi dee ssula muna a de gau heiangi, aama de hai olaadeu iloo mee gi deai haigamaiana;

Jeremiah 19:7

Gai au e hai naa gi deai haigamaiana hagatau a Judah ma Jerusalem i de mommee nei. Gai au e hai naa olaadeu hagadaumee gi daia gilaadeu gi maakau i de gadilaasa, ma dangada e saalaa gilaadeu e daia gi maakau. Gai au e gaavange naa olaadeu angaanga gi denga manu llele ma manu dolodolo gi gaina.

Ezekiel 20:32

Gai oodou mee e maanadu naa e dee maua donu i de hai, i doodou hagataba, “Gimaadeu e hai gi bei dagodo o denga huaahenua ange laa, ma huaabodu i denga henua ange laa, gimaadeu e daumaha ange gi denga laagau ma hadu.”

Malachi 1:4

Gai ga hagataba naa donu de gau Edom, “Demaadeu henua gu oohaa, gai gimaadeu e hagaduu age ange naa,” aagai e hagadaba Tagi o denga hagabuulinga hebagi: “Gilaadeu e hagaduu age naa, aagai au e oha iho naa donu. Gai gilaadeu e hagaingoo ange naa go de Henua Baubau, gai se huaadangada e nnoho i lalo de bole o Tagi Maolunga ga hano ai.