Psalm 29:3 - De Beebaa Dabu

³ De leo o Tagi Maolunga i honga denga vai; de leo o de Maadua o de mahamaha e bei denga hatuli, Tagi Maolunga i honga vai lagolago.

Psalm 29:3 Iomraidhean Croise

De Beebaa go Job 36:33

De hatuli e hagailoo de humai o de madangi; gai denga manu dolodolo e iloo dono hanage ai.

De Beebaa go Job 40:9

E aha, e dahi oo lima bei de lima o de Maadua, gai e maua e goe i de hai doo leo gi bei dono leo?

Psalm 104:3

ma de hagatau dogai o dono aabi i lunga i honga denga vai. Ia ne hai dono hada hebagi i denga giliiga, gai ne gage i honga luu bakau o de madangi.

Exodus 19:16

Gai taiao huu o de hagadolu laangi, gai gu babaa denga hatuli ma de labalaba denga uila, gai de hagausinga maadolu gu haoli de mounga laa, gai gu kona de nganangana de ili o de hanga manu. Gai dangada alodahi i de mommee nnoho gaainga gu bolebole i delaadeu maatagu.

Exodus 9:28

Gooluu dangidangi ange gi Tagi Maolunga gi haia gi deai hatuli ma duudangaa haisi aana gu hai laa gi loomai. Gai au e dugu naa goodou gi hulo gi dee nnoho ai goodou i kinei.”

Exodus 9:33

Gai Moses ne hano gee mai i daho Pharaoh, ga sao ga hano gee i de aduhale laa, gai ia ga haalo dono lima ga dalodalo ange gi Tagi Maolunga, gai denga hatuli gu dee babaa, denga duudangaa haisi gu helui de too iho, gai gu dee pala hogi de langi i honga de henua.

John 12:29

Gai dangada soa e tuu laa i kilaa ma de langona de leo laa ne maanadu bolo se hatuli, gai hanu ne hagataba, “Dahi dangada de langi gu basa ange gi de ia.”

Acts 7:2

Stephen ne hai ange, “Denga daina, ma damana, goodou hagalaangona agu muna. De Maadua o de mahamaha ne hakide ange gi taadeu dubuna madagidagi go Abraham, i dono masavaa goi noho ai i Mesopotamia, i mua dono hano ga noho i Haran,

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 16:18

Gai gu labalaba denga uila, ma de hagalongaa i de babaa o denga hatuli, gai gu kona de ngalungalue o de henua. Tigi ai ange se ngalungalue o de henua bee nei mai i taamada de nnoho o dangada i henua i lalo, i hiidinga de kona de laumalie de ngalungalue o de henua.

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 4:5

Gai de nohoanga laa e labalaba mai ai denga uila, ma de babaa ai denga hatuli. Gai mada i mua o de nohoanga laa iai e hidu laama gu haaula. Aanei denga hagasaalunga e hidu o de Maadua.

Revelation 8:5

Gai tangada de langi laa ga kave de mee e dudu ai laa mee maanongi, ga hhao ange de ahi gi ono lodo ga maga iho gi henua i lalo. Gai gu babaa denga hatuli, ma de ngaolo, gai gu labalaba denga uila, gai gu ngalungalue de henua.

1 Samuel 7:10

De masavaa a Samuel e hai ai ssigidaumaha dudu, gai de gau Philistia gu loomai e hebagi ange gi Israel. Aagai Tagi Maolunga ga hai gi babaa denga hatuli nnui i de laangi, e hai baasi ange ai gi de gau Philistia ma de hai gi ssenga ange gilaadeu; gai de gau Israel ga hagadee kii gilaadeu.