Psalm 27:9 - De Beebaa Dabu

⁹ Koe gi dee hagamuunia luoo mada i de au, koe gi dee alualumia doo dangada hai hegau i doo lili; go koe nogo balea mai au. De Maadua, dogu Ia Hagaola, koe gi dee kino aabe gi hano gee mai i ogu daha.

Psalm 27:9 Iomraidhean Croise

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Psalm 102:2

Koe gi dee hagamuunia luoo mada i de au i de masavaa oogu e duasala ai. Hulia mai doo dalinga gi de au; hagamoolau basa mai gi de au, i de masavaa aagu e hagahi adu ai goe.

Psalm 102:3

Dogu mouli e moolau de odi bei dagodo o de useahi, gai ogu ivi e vvela bei dagodo o de ahi.

Psalm 119:121

Au e hai hegau i de hagamodu soe ma de heohi; koe gi dee dugua ange au gi gilaadeu e vaivai haia ngau.

Psalm 13:1

Tagi Maolunga, dee hee maa taulooloa dau hagangalo au? Dee hee maa taulooloa dau hagammuni luoo mada i de au?

Psalm 143:7

Tagi Maolunga, hagamoolau basa mai gi de au; dogu hagasaalunga gu daemaha mmao. Koe gi dee hagamuunia luoo mada i de au, ana vakaa au ga bei gilaadeu e hulo laa gi de mommee o de gau maakau.

Psalm 24:5

Tangada bee nei e kave naa de manuuia mai i daho Tagi Maolunga, gai de Maadua dono hagaola e tala naa bolo ia e heohi.

Psalm 44:24

Gu aha gu hagammuni ai naa luoo mada i gimaadeu, ma de hagangalo demaadeu duasala ma demaadeu vaivai haia?

Psalm 51:11

Koe gi dee aaua gee au i mada luoo mada, aabe gi gaavee gee doo Hagasaalunga Dabu mai i ogu daha.

Psalm 69:17

Aude hagamuunia luoo mada i de au, doo dangada hai hegau; hagamoolau basa mai gi dagu dalodalo, i hiidinga au gu duasala mmao.

Psalm 69:18

Hagabaa mai gi de au ma gi hagaola ina mai au; hagaola ina mai au i ogu hagadaumee.

Psalm 88:1

Tagi Maolunga, dogu Maadua, go koe dogu hagaola; au e hagahi adu i de laangi ma de boo.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 59:2

Aagai oodou baubau gu vvae gee goodou mai i doodou Maadua; oodou haisala gu haoli luoono mada i goodou, deelaa ai, ia gu dee langona oodou dalodalo.

Jeremiah 32:40

Gai au e hai naa dahi hagatoo donu hagaheloongoi dee ngado mai madali gilaadeu, au e dee tuu naa donu dagu hai ange tanuaa gi gilaadeu. Gai au e hai naa gilaadeu gi madagu i de au, gi dee daahuli gee ai gilaadeu i de au.

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

1 Samuel 7:12

Gai Samuel ne kave dahi hadu ga hagaduu i magavaa o Mizpah ma Shen, ga hagaingoo ange go Ebenezer, go hiidinga ia ne hagadaba, “Tagi Maolunga ne bale mai gimaadeu ga dae mai ai gi iainei.”