Psalm 27:6 - De Beebaa Dabu

⁶ Gai au e kii naa i ogu hagadaumee e duuli ina luoogu baasi; au e hai naa ssigidaumaha i dono hale malo i de malangilangi laumalie ma de daahili ga tuhi Tagi Maolunga.

Psalm 27:6 Iomraidhean Croise

Genesis 40:13

e dolu ange naa donu huu laangi, gai Pharaoh ga hagasao mai goe ga hagaahe ange gi doo duulanga, gai koe e poo naa de ubu a Pharaoh ga dugu ange gi lo tono lima, bei doo hai nogo hai hegau ai i mua, i de masavaa go koe ai e haia mee unu a Pharaoh.

Genesis 40:20

Gai dua huu e dolu huu laangi, gai go de laangi o de boo o Pharaoh, gai ia ne hai ange dahi daonga gi ono dangada hai hegau alodahi. Gai ia ga hagassao mai taane e haia mee unu, aama taane e haia pelaoaa.

2 Samuel 22:1

Gai David ne daahili ange gi Tagi Maolunga i taahili nei, i de masavaa a Tagi Maolunga ne hagaola ai ia mai i ono hagadaumee alodahi, ma mai i a Saul.

2 Samuel 22:49

go ia e hagaola ina mai au i ogu hagadaumee. Koe gu hagaamua ngau i ogu hagadaumee, koe gu hagaola mai au i de gau daa dangada.

2 Samuel 7:9

Gai au ne noho madali goe i mommee alodahi oou ne hano aagena, ma de dugu adu goe gi hagadee kii ina oo hagadaumee alodahi. Gai au e hai naa goe gi se dangada maolunga, bei dagodo o de gau maolunga o henua i lalo.

2 Kings 25:27

Gai de matolu ma hidu ngadau huu i dua de gaavee gee o Jehoiachin, de hodooligi o Judah, i de henua, gai go de ngadau o Evil-Merodak ne dae ange ai ga hodooligi i Babylon, gai ia ga hagasao mai Jehoiachin, de hodooligi o Judah i lo te hale pono, i de madalua ma hidu laangi o de madaangahulu ma lua malama.

1 Chronicles 22:18

“E aha, Tagi Maolunga doodou Maadua e dee noho nei madali goodou? Ia tee hai laa gi nnoho paba goodou madali dangada i luu baasi de henua? Ia ne dugu mai au gi hagadee kii ina dangada nogo nnoho i de henua. Gai de henua gu hai hegau ange gi Tagi Maolunga ma ono dangada.

Psalm 107:22

Gilaadeu gi haia denga sigidaumaha o de hagadegi, ma de tala ana mee gu hai i denga daahili hagamalangilangi!

Psalm 110:7

Ia e unu naa i ssaalingaa vai i gaogao de haiava; deelaa ai, ia gu mmahi age.

Psalm 119:108

Tagi Maolunga, koe gi malangilangi i dagu sigidaumaha e tuhi ai goe, gai agoagona mai au i au hagamodu.

Psalm 138:5

gai gilaadeu e daahili naa i dagodo hegau a Tagi Maolunga, i hiidinga de laumalie de mahamaha o Tagi Maolunga.

Psalm 21:1

Tagi Maolunga, de hodooligi e malangilangi i oo mahi; ia e malangilangi mmao i dau hagaola ia.

Psalm 21:13

Tagi Maolunga, gi laumalie doo hagaamua i hiidinga o oo mmahi; gimaadeu e daahili ma de tuhi oo mahi.

Psalm 3:3

Aagai koe, Tagi Maolunga, go de mee hungihungi e duuli ina mai au, koe e hagamahamaha ogu dagodo, ma de hai gi maua e au i de dangage age dogu biho.

Psalm 3:4

Au e hagahi Tagi Maolunga i de leo laumalie, gai ia ne basa mai gi de au i dono mounga dabu. Selah

Psalm 47:1

Dangada alodahi, baabaa oodou lima! Hevaalogi daahili ange gi de Maadua i de malangilangi!

Psalm 57:8

Dogu hagasaalunga, alahage! De harp ma de lyre, gooluu aalahage! Au e alahage naa hogi i taiao gohugohu.

Psalm 81:1

Daahili ange gi de Maadua, odaadeu mahi, i de malangilangi; hevaalogi duuhia de Maadua o Jacob i de malangilangi!

Psalm 95:1

Loomai, gidaadeu ga daahili ange gi Tagi Maolunga i de malangilangi; gidaadeu ga hevaalogi e tuhi de Baba e hagaola ina gidaadeu.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Jeremiah 31:7

E hagadaba Tagi Maolunga: “Goodou daahili ma de malangilangi i hiidinga o Jacob, gai hevaalogi ange gi dagi o denga huaahenua. Haia gi nngana oodou tuhi, ma de hagataba, ‘Tagi Maolunga, hagaola ina doo huaadangada, go dangada o Israel e doe.’

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Hebrews 13:15

Deenei ai, gidaadeu ga duudagi taadeu gaavange gi de Maadua ssigidaumaha o de tuhi, i de ingoo o Iesu i masavaa alodahi, deenei go taadeu tala hagadonu dono ingoo.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.