Psalm 25:3 - De Beebaa Dabu

³ Gai gi deai donu se dangada e daalia adu goe e dogaa; aagai haia gi dookaa gilaadeu e hai baasi adu gi de goe i teai hiidinga.

Psalm 25:3 Iomraidhean Croise

Genesis 49:13

Zebulun e noho naa i tagudai; gai e hai naa go taulanga o denga vaga, ono goinga e hano naa ga tae gi Sidon.

1 Chronicles 10:13

Gai a Saul ne magau i hiidinga ia tee hai hegau i de muna abodonu ange gi Tagi Maolunga; ia tee daohi muna a Tagi Maolunga, aagai ia ne hano ga ssala de bale mai i daho dahi hahine hai huuhuaa mee,

Psalm 109:3

Gilaadeu e duuli au i alaadeu muna hagabaubau, gilaadeu e hebagi mai gi de au, i teai hiidinga.

Psalm 119:78

Haia gi dookaa de gau hagamaolunga, i hiidinga gilaadeu gu hai mai de baubau gi de au i teai hiidinga; aagai au e hagamaumau au muna gu hagasauaa.

Psalm 123:2

Tilo, gimaadeu e bei de gau hai hegau e daumada ina laa delaadeu ia aamua, ma de hine hai hegau e daumada ina laa dono hahine aamua; e bei ai hogi, gimaadeu e daumada Tagi Maolunga, demaadeu Maadua, ga dae ai gi dono degi mai gi gimaadeu.

Psalm 132:18

Au e hai naa gi dookaa ono hagadaumee, aagai de hau hodooligi i honga dono biho e hagadagadaga age naa.”

Psalm 22:6

Aagai au se ilo e dee se dangada, dangada e kino ma de hagangadi mee au.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

Psalm 31:17

Tagi Maolunga, aude dugu ange gi hagadogaa ina ngau, i hiidinga au e dangi adu gi de goe; haia gi dookaa de gau baubau, gai gilaadeu gi dee mmuu gi hulo ai gi de mommee o de gau maakau.

Psalm 31:18

Hagapunidia ngudu o de gau hadu muna, go de gau hagamaolunga ma de lodo maolunga e pasa hagamaolunga laa i gilaadeu e heohi.

Psalm 33:20

Demaadeu tali hagalodolodo go Tagi Maolunga; go ia demaadeu bale aama demaadeu mee hungihungi.

Psalm 35:26

Hagadookaa ina ma de hai gi ssenga ange gilaadeu alodahi e malangilangi i dogu hai ngadaa! Haia gi dookaa ma de ssenga ange gilaadeu e hagamaolunga i de au!

Psalm 37:34

Daalia ange Tagi Maolunga ma de daudali i dono haiava. Gai ia ga hagaamua goe, ga hai goe gi henua i de henua; gai koe e gidee naa de maakau o de gau baubau.

Psalm 6:10

Ogu hagadaumee alodahi e odi naa i de dookaa ma de maatagu, gilaadeu e saavini naa ga hulo gee i delaadeu dookaa.

Psalm 62:1

Go de Maadua donu huu aagu e tali ange; gai go ia donu e hagaola ina mai au.

Psalm 62:5

Dogu hagasaalunga, go de Maadua donu huu aagu e tali, gai go ia dagu tali hagalodolodo.

Psalm 69:4

Gilaadeu e kino i de au, gai e deai donu hiidinga, e lagolago ange i ngaangaaulu o dogu biho; ogu hagadaumee e hadu muna i de au, gai e soa gilaadeu e hagatale de daa au gi magau. Gai gilaadeu e hai au gi hagaahe ange mee aagu tee gaiaa.

Psalm 69:6

De Ia Aamua, Tagi o denga hagabuulinga hebagi, koe gi dee hagadookaa ina gilaadeu e hagadonusia goe i ogu hiidinga. De Maadua o Israel, koe gi dee hagadookaa ina gilaadeu e saalaa goe i ogu hiidinga.

Psalm 71:13

Haia gi dookaa ma de llilo gilaadeu e hai baasi mai gi de au; haia gi hagangadi mee ina ma teai selaadeu hagadubu.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

Jeremiah 20:11

Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

Lamentations 3:25

Tagi Maolunga e abodonu ange gi gilaadeu e daalia ange ia, ma tangada e saalaa ia.

Micah 7:7

Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.

John 15:25

Gai de mee nei gu bei donu muna gu sisi laa, i lodo alaadeu hainga ma e hai ange, ‘Gilaadeu ne kino i de au, gai e deai donu hiidinga.’

Romans 8:25

Aagai noo gidaadeu e tali hagalodolodo ange gi mee adaadeu tigi gidee, gai gidaadeu e tali mee nei i de golomagi lodo.