Psalm 24:2 - De Beebaa Dabu

² i hiidinga go ia ne haia de mee nei i honga tai, ma de hagaduu i honga denga saalingaa vai.

Psalm 24:2 Iomraidhean Croise

Genesis 8:22

Taulooloa de dahi henua i lalo, gai e dee helui naa donu de doo ma de hagihagi, de masavaa hagamagalili ma de mahanahana, aama de laangi ma de boo.”

De Beebaa go Job 38:4

Go hee oou nogo iai i de masavaa aagu ne hagaduu ai tagelo o henua i lalo? Daalaa mai muhuu, noo koe e donu ange aagena.

Psalm 136:6

go ia ne hoolaa henua i lalo i honga denga vai, Dono abodonu e dagodo ga hano ai.

Psalm 33:6

Tagi Maolunga ne tala de muna, gai gu hai de langi, gai mee alodahi iai ne hai i de madangi ne busi mai i lo tono ngudu.

Psalm 89:12

Go koe ne haia ngaiho ma ngaage; gai luu mounga go Tabor ma Hermon e tuhi goe i de malangilangi.

Psalm 93:1

Go Tagi Maolunga e hodooligi; ia e gahu i de mahamaha. Tagi Maolunga gu gahu; ia e gahu i de mmahi. Henua i lalo gu hagaduu ma gu makaga; gai e dee maua naa donu gi baguu.

Psalm 95:4

Ia e daohi i lo tono lima denga mommee kelo o henua i lalo, gai niiana denga mounga maolunga.

Psalm 96:10

Hai ange gi denga huaahenua, “Go Tagi Maolunga tagi.” Henua i lalo gu hagaduu ma gu makaga, gai e dee maua naa donu gi baguu; ia e hagamodu naa muna o dangada i de heohi.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.