Psalm 21:3 - De Beebaa Dabu

³ Koe gu humai ma gu gaavange gi de ia denga manuuia danuaa; koe gu hagauda ange gi honga dono biho de hau goolo danuaa.

Psalm 21:3 Iomraidhean Croise

2 Samuel 12:30

Gai ia ne kave gee de hau i honga de biho o delaadeu hodooligi; gai taemaha o de hau se dahi talent goolo, gai e hagalaagii i hadu hagamogomogo, gai de hau laa gu gaavange gi honga de biho o David. Gai ne lagolago ana goloa ne kave gee mai i de aduhale laa.

2 Samuel 2:4

Gai denga daane o Judah ne loomai gi kilaa ga hagadabu ai David i de lolo, e hai ai de hodooligi o dangada o Judah. De masavaa a David ne iloo bolo go dangada o Jabesh Gilead ne danumia a Saul,

2 Samuel 5:3

Gai dagi alodahi o Israel ne loomai gi daho de hodooligi i Hebron; gai de hodooligi go David ga hai dahi hagatoo donu hagaheloongoi madali gilaadeu i Hebron, i mada luu mada o Tagi Maolunga. Gai gilaadeu ga hagadabu David i de lolo, gi hodooligi i Israel alodahi.

1 Chronicles 20:2

Gai David ne kave gee de hau i honga de biho o delaadeu hodooligi, gai taemaha o de hau laa se dahi talent goolo, gai e hagalaagii i hadu hagamogomogo, gai de hau laa gu gaavange gi honga de biho o David. Gai ne lagolago ana goloa ne kave gee mai i de aduhale laa.

2 Chronicles 6:41

Tagi Maolunga de Maadua, koe gi ulu i doo mommee e hagamabu ai, go koe ma de ngavesi iai doo sauaa. Tagi Maolunga de Maadua, oo dangada haimeedabu gi kahu i de hagaola, gai oo dangada dabu gi malangilangi i hiidinga koe e danuaa.

De Beebaa go Job 41:11

Goai gu gaamai dahi mee gi de au, gai au ga hagao ange ai ia? Mee alodahi i lalo de langi niiagu.

Psalm 18:18

Gilaadeu ne hebagi mai gi de au i de laangi oogu ne hai ngadaa ai, aagai Tagi Maolunga ne bale mai au.

Psalm 20:5

Gimaadeu e hevaalogi naa ga malangilangi i doo kii, ma de hagaduu age demaadeu hagailonga i de ingoo o demaadeu Maadua. Tagi Maolunga gi gaavadu mee alodahi oou gu dangidangi ange ai.

Psalm 31:19

Ga dae laa de laumalie doo abodonu, gu hagadabena ange gi gilaadeu e maatagu i de goe, ma de abodonu ange gi gilaadeu e haia goe go delaadeu buibui i madamada o dangada!

Psalm 59:10

Dogu Maadua e hedae mai naa gi de au i hiidinga dono abodonu; ia e hai naa gi gidee e au de hagadee kii o ogu hagadaumee.

Romans 11:35

Gai goai ne gaavange dahi mee gi de Maadua, gai ia ga hagao ange ai ia?”

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.

Revelation 19:12

Gai luoono ganomada e bei de ahi ula, gai ia e hagauda denga hau lagolago i honga dono biho, gai e dahi ingoo e sisi ange gi de ia, gai e deai donu se dangada e iloo dono hagadoonunga, go ia donu huu.

1 Samuel 16:13

Gai Samuel ne poo mai de lolo ga hagasulu ai David i madamada o ono daina daane. Mai i de laangi laa, gai de Hagasaalunga o Tagi Maolunga gu hano iho gi ono elunga i de mmahi. Gai Samuel ga ahe ai loo gi Ramah.