Psalm 20:7 - De Beebaa Dabu

⁷ De tali hagalodolodo a hanu go denga hada hebagi, gai hanu go denga hoosa, aagai gimaadeu e hagamaanadu de ingoo o Tagi Maolunga, demaadeu Maadua.

Psalm 20:7 Iomraidhean Croise

2 Samuel 10:18

Gai de gau Syria ne saavini ga hulo gee mai i de gau Israel, gai David ne daa ga maakau e hidulau daane Syria e saavini i honga hada hebagi, ma e haasemada daane e kage i honga hoosa. Ia ne daa hogi ga magau Shobak, tagi o delaadeu hagabuulinga hebagi.

2 Samuel 8:4

Gai David ne kave mai i ono daha, e mano hada hebagi, e 1,700 daane e saavini i honga hoosa, gai e luasemada daane e seesee i honga de gelegele. Ia ne hai hogi gi dee vaa seesee denga hoosa alodahi, gai ne dugu e lau hoosa ange gi denga hada.

2 Chronicles 13:16

Gai denga daane o Israel ne saavini ga hulo gee mai i denga daane o Judah, gai de Maadua ne dugu ange denga daane Judah gi hagadee kii ina gilaadeu.

2 Chronicles 14:11

Gai Asa ga dalodalo ange gi Tagi Maolunga dono Maadua, ga hai ange, “Tagi Maolunga, e deai ange donu e bei oo dagodo, koe e bale ange tangada baageaa e hebagi ange ai gi tangada mmahi. Tagi Maolunga, demaadeu Maadua, balea mai gimaadeu, go hiidinga go koe demaadeu tali, gai gimaadeu ne loomai e hebagi ange gi de hagabuulinga hebagi soa nei i doo ingoo. Tagi Maolunga, go koe demaadeu Maadua; aude dugua ange dahi dangada gi kii i de goe.”

2 Chronicles 32:8

Dono bale go mahi o dangada, aagai taadeu bale go Tagi Maolunga taadeu Maadua, gai go ia e balea mai gidaadeu ga hebagi ai.” Gai dangada gu lodo mmahi i hiidinga muna a Hezekiah, de hodooligi o Judah.

De Beebaa go Job 39:11

E aha, koe e maua i de hagadonu de kaau aada, i hiidinga de kona dono mmahi, ma de dugu ange ia gi haia au hegau?

Psalm 28:8

Go Tagi Maolunga e hagammahi ina ono dangada, gai go ia de mommee buibui makaga e hagaola ai de ia aana gu hagadabu i de lolo.

Psalm 45:17

Au e hai naa denga atangada alodahi gi manadua goe; deenei ai, denga huaahenua e tuhi naa goe ga hano ai e dee ngado mai.

Proverbs 21:31

De hoosa e hagadabena ange gi de hebagi, aagai go Tagi Maolunga e dugu ina ange gi kii dahi.

Isaiah 30:16

Goodou e hagataba, ‘E deai, gimaadeu e kage naa i honga hoosa e saavini ai ga hulo gee.’ Deenei ai, goodou e saavini naa ga hulo gee! Goodou e hagataba, ‘Gimaadeu e saavini naa ga hulo i denga honga hoosa kemo.’ Deelaa ai, gilaadeu e dolohia goodou ni dangada kemo mmao!

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Jeremiah 17:5

E hagadaba Tagi Maolunga, “E malaia naa tangada e hagadonusia tangada, gai dana tali go mahi o tangada, gai ono lodo e dahuli gee mai i Tagi Maolunga.

1 Samuel 13:5

Gai de gau Philistia ne hebagi ange gi Israel, se dolusemada olaadeu hada hebagi, e onomano daane e saavini i denga hoosa, gai olaadeu hagabuulinga hebagi e soa mmao bei de lagolago o denga gelegele i gabugabu tai. Gai gilaadeu ne hulo ga hagaduu delaadeu mommee nnoho i Mikmash, i baasi i dua o Beth Aven.

1 Samuel 2:10

hagadaumee o Tagi Maolunga e daa naa donu gi maakau. Ia e hagababaa denga hatuli i lo te langi e hai baasi ange ai gi gilaadeu; Tagi Maolunga e hagamodu muna o henua i lalo alodahi. Ia e hagammahi de hodooligi aana e hili, gai e hagaamua ssauaa o de ia aana gu hagadabu i de lolo.”