Psalm 20:6 - De Beebaa Dabu

⁶ Au gu donu iho bolo Tagi Maolunga e hagaola de ia aana gu hagadabu i de lolo; ia e basa ange gi de ia mai i dono mommee dabu i de langi ma de hagaola ia i dono lima madau mmahi.

Psalm 20:6 Iomraidhean Croise

1 Kings 8:30

Gai koe hagalaangona tangidangi a doo dangada hai hegau, aama oo dangada go de gau Israel, i delaadeu huuhuli mai gi de mommee nei e dalodalo ai. Gai koe hagalaangona mai i doo mommee noho i de langi, gai de masavaa naa huu aau e langona ai, gai koe ga degi mai.

1 Kings 8:43

gai koe hagalaangona dana dalodalo mai i de langi, go doo mommee e noho ai, ga hai gi bei mee alodahi a tangada henua gee laa e dangidangi adu ai, gai gi iloo ai e denga huaadangada alodahi o henua i lalo doo ingoo, ma de maatagu i de goe, bei dagodo o oo dangada go de gau Israel, gai gi iloo ai e gilaadeu bolo de hale aagu gu hagaduu nei gu hagadabu ange gi doo ingoo.

Psalm 17:7

Hagaagona mai gi de au doo aloha hagalele mouli; koe e hagaola i doo lima madau gilaadeu e loomai e buibui i oo daha, i hiidinga o olaadeu hagadaumee.

Psalm 18:35

Koe e buibui au i dau hagaola, doo lima madau e daohi au gi dee baguu, gai koe ne ino iho ga hai au gi se dangada maolunga.

Psalm 18:50

Ia ne hai gi kii de hodooligi aana gu hili, ia e abodonu ange gi taane aana gu hagadabu i de lolo, ange gi David ma dono aamuli ga hano ai.

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

Psalm 28:8

Go Tagi Maolunga e hagammahi ina ono dangada, gai go ia de mommee buibui makaga e hagaola ai de ia aana gu hagadabu i de lolo.

Psalm 41:11

Au e iloo bolo koe e malangilangi i de au, gai dogu hagadaumee e dee kii donu i de au.

Psalm 9:15

Denga huaahenua gu too ange gi lo te geelinga alaadeu ne geli; olaadeu vae gu llave i de galauna alaadeu ne dugu hagammuni.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 58:9

Gai de masavaa naa huu oou e dalodalo ai, gai Tagi Maolunga ga basa adu gi de goe; de masavaa naa huu oou e dangidangi i de bale, gai ia e hai adu naa, ‘Deenei au.’ Noo koe e tuu dau vaivai hai dangada, ma de sisi ange dahi, ma de tala hagabaubau dahi,

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Micah 4:5

Denga huaahenua alodahi e daudali ange naa i de ingoo o olaadeu diinonga; gai gimaadeu e daudali i de ingoo o Tagi Maolunga demaadeu Maadua, ga hano ai e dee ngado mai.

Matthew 6:9

Gai deenei doodou hai e dalodalo ai: ‘Demaadeu Damana i de langi laa, gi dabu doo ingoo;

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

Acts 4:10

gai goodou alodahi i kinei aama dangada o Israel alodahi gi iloo bolo taane nei ne hagaieiangi i de ingoo o Iesu Klisdo taane Nazareth. Deenei taane oodou ne daudau laa i de laagau lui, gai de Maadua ne hagamouli age ia mai i de magau.

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.