Psalm 19:8 - De Beebaa Dabu

⁸ Mee a Tagi Maolunga e hagasauaa e heohi, gai e hagamalangilangi lodo o tangada. Muna a Tagi Maolunga e gilimalali, gai e hagamaalama luu mada o tangada.

Psalm 19:8 Iomraidhean Croise

Genesis 26:5

go hiidinga Abraham ne daudali i agu muna, ma de hai mee alodahi aagu ne lodo ia gi haia, ia ne daohi agu muna ma agu mee gu hagasauaa, aama agu hainga.”

2 Kings 17:37

Masavaa alodahi gai goodou kana ange daudali i ana muna gu hagasauaa ma ana hagamodu, ma ana hainga, aama ana muna gu tala ma de sisi adu gi goodou. Goodou aude daumaha ange gi denga diinonga.

Nehemiah 8:12

Deelaa ai, dangada alodahi ne aahe ga gaimee ma de unu aama de duha ange gai gi dangada; gu kona mmao de malangilangi, go hiidinga gilaadeu gu tonu ange gi muna ne tala ange gi gilaadeu.

Nehemiah 9:13

Koe ne hano iho gi de mounga go Sinai, ga basa ange gi gilaadeu mai i de langi ga gaavange gi gilaadeu au hagamodu ssoe, ma au hainga heohi, ma au mee gu hagasauaa aama au muna danuaa gu tala mai.

Psalm 105:45

gai gilaadeu ga daohi ai ana muna gu hagasauaa, ma de daudali i ana hainga. Duuhia Tagi Maolunga!

Psalm 111:7

Ia e hai hegau i de muna abodonu ma de heohi; ana muna alodahi ni muna abodonu,

Psalm 119:105

Au muna se laama e seesee ai au, gai se mee e hagamaalama ai dogu haiava.

Psalm 119:12

Tagi Maolunga, au e hagadegi goe; agoago ina mai au i au hainga gu hagasauaa!

Psalm 119:121

Au e hai hegau i de hagamodu soe ma de heohi; koe gi dee dugua ange au gi gilaadeu e vaivai haia ngau.

Psalm 119:128

Gai au e hagadaba bolo au muna gu hagasauaa e heohi; au e kino i de haiava dee heohi alodahi.

Psalm 119:130

De hhuge mai o au muna e gaamai de maalama, gai e hai gi tonu ange gilaadeu e llodo ssenga.

Psalm 119:14

Au e kii ange dogu malangilangi i de daudali i au muna i dogu malangilangi i goloa lagolago.

Psalm 119:143

Au gu hai ngadaa ma tee baba ogu lodo, aagai dogu mee e malangilangi ai go au hainga.

Psalm 119:16

Au e malangilangi i au hainga gu hagasauaa; au e dee ngalo naa donu au muna.

Psalm 119:171

Au gi kona mmao dagu tuhi goe, gai koe e agoago mai au i au muna gu hagasauaa.

Psalm 119:24

Au e malangilangi i au muna, gai go au muna dogu ia bale.

Psalm 119:40

Tilo, au e lodo mmao i au muna gu hagasauaa. Koe gi daohia dogu mouli i hiidinga koe e heohi.

Psalm 119:54

Au hainga gu hagasauaa go agu daahili i dogu noho gaainga i henua i lalo nei.

Psalm 119:80

Au gi dee haisala ange gi au muna gu hagasauaa, gi dee dogaa ai au.

Psalm 119:92

Noo au tee malangilangi i au hainga, gai au ne magau donu i lodo ogu hagaduasala.

Psalm 12:6

Muna a Tagi Maolunga e dee haisala donu, e bei dagodo o selevaa gu hagagilimalali laa i de ahi i e hidu hanonga.

Psalm 13:3

Tagi Maolunga dogu Maadua, anga mai ma gi basa mai gi de au. Hagamaalama ina luoogu mada, gi dee magau ai au,

Psalm 40:8

Dogu Maadua, au e lodo e daudali i dau hagatau; au hainga gu daakodo i ogu lodo.”

Psalm 93:5

Tagi Maolunga, au hainga e dee sui donu; gai doo hale e dabu ga hano ai.

Exodus 18:16

De masavaa naa huu e dee heloongoi ai magavaa o dangada, gai gilaadeu ga loomai gi ogu daha, gai go au e hagamodu ina de mee heohi i magavaa o dahi dangada ma dono soa, ga tala ange gi gilaadeu denga hagailoo aama hainga a de Maadua.”

Proverbs 2:6

I hiidinga go Tagi Maolunga e gaavadu de heiangi abodonu, gai go ia e daalaa adu dagodo o de iloo mee, ma de donu ange.

Proverbs 30:5

Muna hugadoo a de Maadua e heohi abodonu; gai ia e bei de mee hungihungi e buibui ai gilaadeu e mmuni i ono daha.

Proverbs 6:23

Go hiidinga de muna nei e bei de laama, gai de agoago nei se mee hagamaalama; gai doo hagaheohi ina e hagaabo ange goe gi de haiava o de mouli,

Isaiah 64:5

Koe e abodonu ange gi tangada e malangilangi i de hai de mee heohi, ma gilaadeu e manadua au hai haingaa mee. Aagai ga daulooloa huu demaadeu haisala ange gi mee nei, gai koe gu lili. Dee hee ai naa demaadeu hai e ola ai?

Jeremiah 15:16

De masavaa aagu ne gidee ai au muna, gai au ne gai au muna; au e malangilangi i au muna ma de lodo danuaa ai, go hiidinga au gu kave doo ingoo, Iahweh, de Maadua o denga hagabuulinga hebagi.

Ezekiel 36:27

Gai au e hhao adu naa dogu Hagasaalunga gi oodou lodo, ma de hagangaalue goodou gi daudali i agu mee gu hagasauaa, aama de kana ange ga daohi agu hainga.

Romans 3:20

Go hiidinga e deai donu se dangada e maua i de hai gi heohi ia i daho de Maadua i dono daudali i de hainga; gai de hainga e hai gi iloo e dangada dagodo o de haisala.

Romans 7:22

Au e malangilangi i de hainga a de Maadua, i ogu lodo alodahi,

Romans 7:7

E aha, e maua e gidaadeu i de hagataba bolo de hainga e haisala? E dee maua donu! Noo tee gaamai de hainga, gai au tee iloo dagodo o de haisala. Au tee maua hogi gi iloo be se aha de nnoo hagamau mee, noo de hainga tee hai mai, “Aude nnoo!”

Galatians 2:19

Gai go de hainga ne hidi mai ai dogu magau ange gi de hainga, gi maua ai e au i de mouli ange gi de Maadua.

Galatians 3:21

E aha, de hainga e hai baasi ange laa gi denga hagatoo donu a de Maadua? E dee maua donu! Gai noo de hainga gu gaamai laa ne maua i de hagamouli dangada, gai de hainga ne maua donu i de hagaheohi dangada.

Deuteronomy 16:11

Gai goodou ga hai ai taonga ma de malangilangi i mada luu mada o Tagi Maolunga doodou Maadua; go goodou alodahi ma oodou dama daane, ma oodou damaa hine, ma oodou daane ma haahine hai hegau, madali de aamuli o Levi i doodou aduhale, ma de gau henua gee, ma denga gauligi e deai olaadeu damana, aama haahine gu maakau olaadeu bodu, i de mommee a Tagi Maolunga doodou Maadua ne hili e dugu ai dono ingoo.

Deuteronomy 16:14

Gai goodou ma oodou dama daane ma damaa hine, ma oodou daane ma haahine hai hegau, ma de aamuli o Levi, ma de gau henua gee, ma denga gauligi gu deai olaadeu damana, aama haahine gu maakau olaadeu bodu i oodou aduhale, ga hai taonga ga malangilangi ai.