Psalm 18:2 - De Beebaa Dabu

² Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Psalm 18:2 Iomraidhean Croise

2 Samuel 22:3

dogu Maadua go dogu baba makaga, go ono daha oogu e mmuni ai, go ia dagu mee hungihungi ma de hanga manu e hagaola ina mai au. Go ia dogu mommee buibui makaga ma dogu mommee mmuni, aama dogu Ia Hagaola, e hagaola ina mai au i de gau alasala.

Psalm 116:1

Au e aloha i Tagi Maolunga, i hiidinga ia ne hagallongo dogu leo, ma dogu dangidangi i de abodonu.

Psalm 132:17

Au e hagasula age naa dahi hagadiilinga o David gi hodooligi i kilaa; ma de hagaduu age dahi laama ange gi de ia aagu e hagadabu i de lolo.

Psalm 144:2

Go ia e abodonu mai gi de au ma dogu mommee e mmuni ai, ma dogu mommee buibui makaga aama dogu Ia Hagaola; go ia dagu mee hungihungi ma dogu buibui; go de ia e hagadee kii ina denga huaadangada.

Psalm 19:14

Haia agu muna e tala ma hagasaele i ogu lodo gi ni mee e hagamalangilangi ina goe, Tagi Maolunga, go koe dogu baba makaga ma dogu Ia Hagaola.

Psalm 28:1

Tagi Maolunga, au e hagahi goe; go koe dogu baba makaga, aude bonodia luoo dalinga i de au. Noo koe e dee muu mai, gai au e bei donu dangada gu hulo laa gi de mommee o de gau maakau.

Psalm 59:11

De Ia Aamua, demaadeu mee hungihungi, koe gi dee daia gilaadeu gi maakau, gi dee ngalo ai e ogu dangada. Gai haia gilaadeu gi silivaahea saele i doo sauaa mahi, ma de hai gi dee kii gilaadeu.

Psalm 62:2

Go ia donu huu dogu baba makaga ma dogu hagaola; go ia dogu mommee buibui makaga; au e dee ngalungalue donu.

Psalm 62:7

Dogu hagaola ma dogu hagadubu go de Maadua e gaamai; go ia dogu baba makaga, ma dogu mommee mmuni.

Psalm 75:10

Au e hai naa donu gi deai mahi o de gau baubau alodahi, aagai au e hai naa gi hagadagadaga age mahi olaadeu e heohi.

Psalm 91:2

e maua i de hai ange gi Tagi Maolunga, “Go koe dogu buibui ma dogu hale hagaloosi makaga, ma dogu Maadua, au e hagadonusia goe.”

Psalm 91:4

Ia e haoli naa goe i lalo ono hulu manu ma de buibui goe i lalo luoono bakau; dono hai hegau i de muna abodonu go doo mee hungihungi ma doo buibui.

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Proverbs 2:7

Ia e doange de heiangi e gaavange gi gilaadeu e heohi, ia se buibui niiolaadeu e dee haisala,

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Hebrews 2:13

Ia e hagadaba hogi, “Au e hagadonusia ia.” Gai e hagadaba ange hogi, “Tilo, deenei au madali dama a de Maadua gu gaamai gi de au.”