Psalm 18:14 - De Beebaa Dabu

¹⁴ Ia e tili dao o dana mee hholu gi mavaevae saele ai denga hagadaumee; de labalaba o denga uila e hai gi ssenga ange gilaadeu.

Psalm 18:14 Iomraidhean Croise

De Beebaa go Job 37:4

Muli mai gai dono leo e hagangolo; ia e hai gi babaa ana hatuli i de leo mmahi. Ia e dee haganoho donu de labalaba o denga uila i de masavaa e langona ai dono leo.

De Beebaa go Job 37:5

De leo o de Maadua e hagalele mouli i de hagangolo i de hatuli; ia e hai hegau nnui odaadeu e dee tonu ange laa aagena.

De Beebaa go Job 38:35

Koe e maua i de hai gi hulo denga uila gi dahi mommee, ma de hai adu ai gi de goe, ‘Aanei gimaadeu’?

De Beebaa go Job 6:4

Denga dao a de Ia Mmahi Mmao laa gu tili ma gu ulu au, gai au gu unu olaadeu mee hagammau; mee hagamaatagu a de Maadua gu hagatau e hai baasi mai gi de au.

Psalm 144:6

Hagalabalaba ina dau uila ma gi hagamavaevae saele ina ai denga hagadaumee; dilia dao o dau mee hholu gi ssenga ange ai gilaadeu.

Psalm 21:12

Koe e hai naa gilaadeu gi maatagu gi saavini gi hulo; i dau lui ange dau mee hholu e tili ai gilaadeu.

Psalm 29:3

De leo o Tagi Maolunga i honga denga vai; de leo o de Maadua o de mahamaha e bei denga hatuli, Tagi Maolunga i honga vai lagolago.

Psalm 29:7

De leo o Tagi Maolunga e hagalabalaba denga uila.

Psalm 77:17

Denga hagausinga ne llingi iho vai; denga hatuli ne babaa i lo te langi, gai dao o au uila e labalaba ma e tae gi mommee alodahi.

Psalm 77:18

De babaa o au hatuli e ngolo bei de madangi mmahi, au uila e hagamaalama henua i lalo, gai henua i lalo e ngalungalue ma de ngalullulu.

Isaiah 30:30

Gai Tagi Maolunga e hai naa gi langona e dangada dono leo maolunga, ma de gidee de hagaabo dono lima i dono bole, ma de ahi ula mmahi e duungia laa mee, madali de langi pala, ma de madangi, aama dibadibaa haisi.

Joel 2:11

Tagi Maolunga e basa i mada i mua o dono hagabuulinga hebagi; dono hagabuulinga hebagi e laumalie mmao, gai de ia e hagassula ina ana muna e mmahi mmao. De laangi o Tagi Maolunga e maolunga, ma de hagamaatagu mmao; goai e bau ange aagena?

Habakkuk 3:11

De laa ma de maasina gu tuu donu huu i lo te langi i de tili dao malamalama o dau mee hholu, ma de maalama o dau dao malamalama.

Numbers 24:8

De Maadua ne hagassao mai ia i Egypt, gai luoono hanga e mmahi bei de kaau daane aada; ia e oha naa denga huaahenua e kino i de ia, ga hadihadi gi too dagidahi olaadeu ivi, ma de tili gilaadeu i dana mee hholu.

Deuteronomy 32:23

Au e hagatau dua hia ange naa gi gilaadeu denga hai ngadaa; au e tili naa gilaadeu i dao o dagu mee hholu.

Deuteronomy 32:42

Au e hai naa dao o dagu mee hholu gi honu i denga dodo, gai dagu gadilaasa e duuduu naa dangada, ma de baalau i dodo o de gau maakau ma gilaadeu tee kii, aama de duuduu biho iai ngaangaaulu lloa o dagi o denga hagadaumee.”

Joshua 10:10

Gai Tagi Maolunga ne hai ga ssenga ange denga hagadaumee i hiidinga o Israel, gai de gau Israel ga hagadee kii gilaadeu i Gibeon, ma de doolohi gilaadeu i de haiava o de madadaagodo o Beth Horon, ga daa gilaadeu ga dae ai gi Azekah ma Makkedah.

1 Samuel 2:10

hagadaumee o Tagi Maolunga e daa naa donu gi maakau. Ia e hagababaa denga hatuli i lo te langi e hai baasi ange ai gi gilaadeu; Tagi Maolunga e hagamodu muna o henua i lalo alodahi. Ia e hagammahi de hodooligi aana e hili, gai e hagaamua ssauaa o de ia aana gu hagadabu i de lolo.”