Psalm 18:13 - De Beebaa Dabu

¹³ Tagi Maolunga e basa mai i de langi bei de babaa denga hatuli, de Ia Maolunga Mmao laa gu hai gi langona dono leo, i magavaa o denga dibadibaa haisi ma denga maga ahi.

Psalm 18:13 Iomraidhean Croise

De Beebaa go Job 40:9

E aha, e dahi oo lima bei de lima o de Maadua, gai e maua e goe i de hai doo leo gi bei dono leo?

Psalm 104:7

Gai denga lausedi ne saavini ga hulo gee i dau masavaa ne hagasee ai; gilaadeu e ssali ga hulo i de babaa o au hatuli.

Psalm 11:6

Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

Psalm 140:10

Haia gi malili iho denga maga ahi gi gilaadeu; gai dilia ange gi lo te ahi, ma lodo geelonga iai bela pigi, gilaadeu gu dee maua i de hiihidi age ange.

Psalm 78:48

Ia ne daa alaadeu kaau i denga duudangaa haisi, gai ne daa gi maakau alaadeu ssiibi i denga uila.

Exodus 20:18

Gai ga langona huu e dangada de babaa denga hatuli ma de labalaba denga uila, gai gu ili de hanga manu, ma de buu age o de useahi i honga de mounga, gai gilaadeu gu maatagu ma de bolebole; gai gilaadeu ga hulo ga tuu i de mommee mmao,

Exodus 9:24

Gai gu too iho denga duudangaa haisi ma de ahi ula madali denga duudangaa haisi laa. Gai tigi ai ange hegau bee nei gu hai i de henua go Egypt mai i dono daamada age ga dae mai ai gi de laangi laa.

Ezekiel 10:5

Gai de gabagaba o bakau o denga cherubim laa gu langona i tua de buibui, gai e bei de leo o de Maadua Mmahi Mmao laa i de masavaa oona e basa ai.

Habakkuk 3:5

De magi hagamaakau e hano i ono mada i mua, gai mee hagamaakau e daudali ange i ono dua.

John 12:29

Gai dangada soa e tuu laa i kilaa ma de langona de leo laa ne maanadu bolo se hatuli, gai hanu ne hagataba, “Dahi dangada de langi gu basa ange gi de ia.”

Deuteronomy 32:24

Gilaadeu e hiikai naa i de onge laumalie, ma de vvela olaadeu angaanga i de magi, ma de mee hagamaakau. Au e hai naa gi loomai denga manu alasala gi gadigadia gilaadeu, ma labodo hagammau e tolo i honga de gelegele.

Joshua 10:11

Gai de masavaa olaadeu e saavini ai e hulo gee i de gau Israel, i de madadaagodo i Beth Horon, gai Tagi Maolunga ga tili iho denga duudangaa haisi nui i de langi gi olaadeu elunga, ga dae ai loo gi Azekah. Gai ne soa ange gilaadeu ne maakau i hiidinga o denga duudangaa haisi, i gilaadeu a de gau Israel ne daa ga maakau i de gadilaasa.

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 4:5

Gai de nohoanga laa e labalaba mai ai denga uila, ma de babaa ai denga hatuli. Gai mada i mua o de nohoanga laa iai e hidu laama gu haaula. Aanei denga hagasaalunga e hidu o de Maadua.

Revelation 8:5

Gai tangada de langi laa ga kave de mee e dudu ai laa mee maanongi, ga hhao ange de ahi gi ono lodo ga maga iho gi henua i lalo. Gai gu babaa denga hatuli, ma de ngaolo, gai gu labalaba denga uila, gai gu ngalungalue de henua.

1 Samuel 7:10

De masavaa a Samuel e hai ai ssigidaumaha dudu, gai de gau Philistia gu loomai e hebagi ange gi Israel. Aagai Tagi Maolunga ga hai gi babaa denga hatuli nnui i de laangi, e hai baasi ange ai gi de gau Philistia ma de hai gi ssenga ange gilaadeu; gai de gau Israel ga hagadee kii gilaadeu.