Psalm 17:15 - De Beebaa Dabu

¹⁵ Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 17:15 Iomraidhean Croise

De Beebaa go Job 14:12

e bei ai hogi, tangada e magau naa gai e dee hidi age donu; ga dae ai gi teai se langi, gai dangada e dee hiihidi age naa donu, aabe e aalahage i de sseni.

Psalm 11:7

Go hiidinga Tagi Maolunga e heohi, ia e lodo mmao i de hagamodu heohi, gai go gilaadeu e heohi e gidee luoono mada.

Psalm 119:111

Au muna go dogu boolonga donu ga hano ai, gai e hagamalangilangi ai ogu lodo.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Psalm 49:14

Gilaadeu gu paba ange laa e daa gi maakau bei dagodo o denga ssiibi; de magau e hagaloosi ange gilaadeu. Aagai de gau heohi e hagadee kii naa gilaadeu i taiao; olaadeu angaanga e pobo naa i lo te daanunga, gilaadeu gu mmao gee mai i olaadeu hale danuaa.

Psalm 5:7

Aagai au e ulu naa i doo hale i hiidinga de laumalie doo abodonu, au e huli ange naa gi doo temple dabu ga daumaha.

Psalm 65:4

E manuuia gilaadeu aau e hili ga gaamai, gi noho i lo te buibui o doo hale! Gimaadeu e duadonu naa i mee danuaa i doo hale, go doo temple dabu.

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Jeremiah 31:26

De masavaa laa gai au ne alahage ga galogalo saele, gai au ne seni danuaa donu.

Numbers 12:8

Gai gimaau e hagadau madaangudu; au e dee basa ange gi de ia i muna hagasengasenga; gai ia e gidee hogi hoolinga o Tagi Maolunga. Gai gooluu e dee maatagu naa donu i de hagadaumee ange gi dogu dangada hai hegau go Moses?”

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

Joshua 24:15

Aagai noo e dee heohi mai i oodou daha de daumaha ange gi Tagi Maolunga, gai ailaa nei goodou hilihilia be goai oodou e daumaha ange aagena: go denga diinonga a oodou dubuna madagidagi nogo daumaha ange aagena i de baasi laa o Euphrates, aabe go diinonga o de gau Amor oodou e nnoho naa i olaadeu magavaa i delaadeu henua. Aagai au ma dogu huaabodu, gimaadeu e daumaha ange gi Tagi Maolunga.”

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.