Psalm 17:14 - De Beebaa Dabu

¹⁴ Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Psalm 17:14 Iomraidhean Croise

De Beebaa go Job 22:18

Aagai ia gu hhao lodo olaadeu hale i mee danuaa — au e dee buni ange gi hagasaele a de gau baubau.

John 17:14

Au gu gaavange gi gilaadeu au muna; gai henua i lalo e kino i gilaadeu, i hiidinga gilaadeu e dee ni mee mai henua i lalo, bei ogu dagodo, au e dee se mee mai henua i lalo.

John 15:19

Noo goodou ni dangada henua i lalo, gai henua i lalo e aloha i ono dangada donu; gai goodou e dee ni dangada henua i lalo, aagai au gu hili ma gu vvae gee goodou mai i henua i lalo, deelaa ai, henua i lalo e kino i goodou.

John 8:23

Gai ia ga hai ange gi gilaadeu, “Goodou ni dangada mai i lalo, gai au se dangada mai i lunga. Goodou ni dangada henua i lalo, gai au e dee se dangada henua i lalo.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Luke 16:8

Aagai tangada aamua laa ne tuhi dono dangada hai hegau baubau laa i ana hegau heiangi ne hai; go hiidinga dangada o henua i lalo e heiangi ange i dama a de maalama i de hai hegau i magavaa olaadeu dangada.

James 5:5

Goodou ne duadonu ma de hagamalangilangi donu huu goodou i doodou nnoho i henua i lalo. Goodou gu hai gi pedi goodou bei dagodo o manu gu paba ange e daa gi maakau i de laangi laa.

Psalm 73:12

Tilo, aanei dagodo o de gau baubau; gilaadeu e duadonu, gai olaadeu goloa e hagadaga ange de lanea.

Psalm 39:6

Ni muna abodonu, tangada e seesee saele bei dagodo o dahi goohunga; ni muna abodonu, ana hegau e deai donu haigamaiana; ia e hagabudu goloa lagolago, gai ia e dee iloo be goai e mee ai.

De Beebaa go Job 21:21

Gai dee hee naa dana hai e tilo ange ai de huaabodu aana e doe laa, i de masavaa e hagaodi ai dono mouli?

De Beebaa go Job 12:9

Gai e dahi mee daudahi i magavaa o mee nei e dee iloo bolo go de lima o Tagi Maolunga ne haia de mee nei?

De Beebaa go Job 12:6

Hale o de gau gaiaa e nnoho paba, gai gilaadeu e hagalili ina de Maadua e duadonu — go gilaadeu e dagidagina olaadeu diinonga i lodo olaadeu lima.

Matthew 13:44

“De nohoanga hodooligi o de langi e bei de mee hagamogomogo a dahi dangada ne gidee laa e danumia i lo te duu malaelae. Gai ia ga danu ange de mee laa, gai ia gu malangilangi ga hano ga hagao gi daha ana mee hugadoo ga hagao ai de mommee laa.

Proverbs 2:4

noo koe e ssala de heiangi bei dau ssala gi maua denga selevaa ma goloa hagamogomogo e gide ngadaa laa,