Psalm 15:4 - De Beebaa Dabu

⁴ Ia e kino i tangada e haia de baubau, aagai e hagadubu gilaadeu e maatagu i Tagi Maolunga; ia e hagasula dana mee gu hagatoo donu ai, e dee galemu donu de hai ngadaa;

Psalm 15:4 Iomraidhean Croise

2 Chronicles 36:13

Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.

Esther 3:2

Gai de gau hai hegau alodahi o de hodooligi e nnoho laa i de haitoga o de hale o de hodooligi ne ino gi lalo ga hagadubu Haman, go hiidinga de hodooligi gu hagadaba bolo gi haia de mee nei. Aagai Mordecai tee ino ange donu aabe ne hagadubu Haman.

Psalm 101:4

Au e aau gee i ogu daha de lodo hakino gee; au e dee hai hegau donu i de baubau.

Psalm 101:6

Au e daumada gilaadeu e hai hegau i de muna abodonu i honga de henua, gai gilaadeu ga nnoho ai i ogu daha. Tangada e dee haisala i dono hai e hai hegau ai, go ia e hai hegau mai gi de au.

Psalm 119:63

Au se soa niiolaadeu alodahi e maatagu i de goe, ma gilaadeu e daohia au muna gu hagasauaa.

Psalm 16:3

De gau dabu i honga de henua, go gilaadeu e mahamaha, gai au e malangilangi ai.

Matthew 5:33

“Goodou gu langona gu tala ange gi de gau madagidagi, e hai ange, ‘Aude ngadi haia dahi hagatoo donu soe, aagai haia donu gi bei au hagatoo donu ssoe ange gi Tagi Maolunga.’

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Acts 28:10

Gai dangada o de modu laa ne ngadi gaamai hanu mee lagolago gi gimaadeu. Gai de masavaa omaadeu ne maalanga ai e hulo gee i kilaa, gai gilaadeu ga hhao demaadeu vaga i mee alodahi omaadeu e hagadanuaa ai.

1 John 3:14

Gidaadeu e iloo bolo gidaadeu gu ssao ma gu hulo gee i de magau gai gu ulu i de mouli, go hiidinga gidaadeu e aaloha i denga daina. Tangada e dee aloha gu noho donu i lalo de magau.

Judges 11:35

Gai ga gidee huu e Jephthah ia, gai ia ga saesae ono malo, ga hai ange, “Dagu damaa hine! Koe gu hai ma gu hinangalosaa mmao ogu lodo, gai koe gu gaamai dahi hai ngadaa laumalie gi de au; go hiidinga au gu hagatoo donu ange gi Tagi Maolunga, gai au e dee maua donu i de hagaahe dagu hagatoo donu.”