Psalm 15:2 - De Beebaa Dabu

² Go tangada e dee haisala, gai e hai hegau i de mee heohi, ma de tala de muna abodonu i ono lodo laa.

Psalm 15:2 Iomraidhean Croise

Psalm 24:4

Go tangada e gilimalali luoono lima ma ono lodo; ia e dee daumaha ange gi dahi diinonga i ono lodo, aabe e hagatoo donu i dahi mee hhadu.

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

Proverbs 28:18

Tangada e hai hegau i de mee heohi e ola donu, aagai tangada e dee heohi ana hegau, e moolau naa donu dono duu ange gi de hai ngadaa.

Isaiah 33:15

Tangada e seesee i de heohi, ma de tala de muna abodonu, gai e kino i goloa e maua i de hai gi de mahi, gai ia e dee kave mee ngadi gaavange hagasenga, gai se dangada e dee hagalaangona denga hagatau e daa ai dangada gi maakau, aama tee tilo denga dahulinga baubau —

Isaiah 63:8

Gai ia ne hagadaba, “Ni muna abodonu, gilaadeu go ogu dangada donu, gai ni dama e dee hai hegau i de hagasenga;” gai ia gu hai ai delaadeu Ia Hagaola.

Micah 2:7

Dangada o Jacob, e heohi taadeu hagataba, “E aha, de Hagasaalunga o Tagi Maolunga gu dee maua i de golomagi ono lodo? Gai aanei ana hegau e hai?” E aha, agu muna e dee hai ange laa tanuaa gi tangada e hai hegau i de heohi?

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Acts 10:35

aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi.

Romans 2:10

gai gilaadeu alodahi e haia tanuaa e kave naa de mahamaha, ma de hagadubu, aama de baba, ange gi de gau Ssuu i mua aama ange hogi gi denga Gentile.

Galatians 2:14

Aagai de masavaa huu aagu ne gidee ai bolo gilaadeu gu dee hai hegau i de mee heohi o de longo danuaa, gai au ga basa ange gi Cephas i madamada o dangada alodahi i kilaa, ga hai ange, “Koe se dangada Ssuu, gai koe e mouli bei dagodo o denga Gentile, e dee mouli bei dagodo o tangada Ssuu; gai gu aha gu usuusu ange ai naa goe denga Gentile gi mouli bei dagodo o de gau Ssuu?”

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Colossians 3:9

Goodou gi dee hagadau daahangadia goodou, go hiidinga goodou gu hagaui ma gu tili tangada duai ma ana dahulinga alodahi,

Hebrews 11:33

Go de gai ne haia ga maua e gilaadeu i de hagadee kii denga nohoanga hodooligi, ma de hagamodu muna i de heohi, ma de kave mee gu lava laa i de hagatoo donu; gilaadeu ne pono ngudu o denga laiono,

1 John 2:29

Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.

1 John 2:6

be goai e hagadaba bolo ia e noho i lodo o de Maadua, gai ia gi seesee bei de hai o Iesu ne seesee ai laa.

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”