Psalm 147:1 - De Beebaa Dabu

¹ Duuhia Tagi Maolunga! E danuaa mmao de daahili tuhi ange gi taadeu Maadua; e hagamalangilangi mmao ma de heohi taadeu tuhi ia!

Psalm 147:1 Iomraidhean Croise

Ezra 3:12

Aagai e soa de gau haimeedabu, ma daane de aamuli o Levi, ma dagi o denga aamuli gu madumaatua i de masavaa laa, gai ne adamaia age de hale daumaha i mua, gu tangi i delaadeu gidee de hagadagodo tagelo o de hale daumaha hoou laa. Gai e soa hogi dangada ne hevaalogi i hiidinga delaadeu malangilangi.

Psalm 135:3

Duuhia Tagi Maolunga, i hiidinga Tagi Maolunga e danuaa; duuhia dono ingoo i taahili, i hiidinga se mee hagamalangilangi.

Psalm 33:1

Goodou e heohi laa, hevaalogi daahili ange gi Tagi Maolunga; e heohi de daahili olaadeu e heohi ga tuhi.

Psalm 42:4

Aanei agu mee e manadua, i de masavaa e duasala ai ogu lodo: au nogo hano madali dangada soa, ma de dagi gilaadeu ga hulo ai gi de hale o de Maadua; gimaadeu ne hevaalogi i de malangilangi ma de daahili tuhi, madali dangada soa i taonga.

Psalm 92:1

Se mee danuaa de tuhi Tagi Maolunga, ma de tuhi doo ingoo i taahili, de Ia Maolunga Mmao laa,

Psalm 92:2

ma de tala hagadanuaa dagodo o doo abodonu i taiao, aama dagodo o doo hai hegau i de mee abodonu i de boo,