Psalm 146:4 - De Beebaa Dabu

⁴ De masavaa naa huu e odi ai dana manava, gai ia e aahe ange gi de gelegele; de laangi laa gai ana hagatau gu ni ngadi mee.

Psalm 146:4 Iomraidhean Croise

Genesis 2:7

Gai Tagi Maolunga go de Maadua ga hagaholi tangada mai i bela o de gelegele, gai ia ga busi ange de madangi o de mouli gi lodo luoono bongaa usu, gai taane laa gu se dangada e mouli.

Genesis 3:19

Koe e hai hegau naa gi salia goe i taadaa, gai koe ga maua i de gaimee, ga dae ai gi doo ahe ange gi de gelegele, go hiidinga koe ne kave mai i de gelegele; gai koe go de mama donu o de gelegele, deelaa ai, koe e ahe ange naa donu gi de gelegele.”

Genesis 6:17

Gai au e hai naa gi dolona honga henua i lalo e daa ai gi maakau mee alodahi e mouli ma e manamanava i lalo de langi. Mee alodahi i henua i lalo e odi naa i de maakau.

De Beebaa go Job 14:10

Aagai tangada e magau ga danu; ia e hai naa ana manava hagaodi, gai go hee oona iai?

De Beebaa go Job 14:21

Noo ana dama e hagadubulia, gai ia e dee iloo; noo gilaadeu e hagamaolalo ina, gai ia e dee gidee hogi.

De Beebaa go Job 17:1

Gu kona mmao de daemaha ogu lodo, gu odi ogu laangi e mouli ai, gai dogu daanunga gu tali donu huu au.

De Beebaa go Job 17:11

Gu odi donu ogu laangi e mouli ai, gu maoha agu hagatau, gai gu maoha hogi ogu mee e lodo ai.

De Beebaa go Job 27:3

taulooloa o dogu mouli, gai de manava o de Maadua i lodo luoogu bongaa usu,

Psalm 104:29

Koe ne hagammuni luoo mada, gai gilaadeu gu maatagu; noo koe gu kave olaadeu manava, gai gilaadeu gu maakau, ga aahe ange gi de gelegele.

Psalm 33:10

Tagi Maolunga e hai gi dee ssula hagatau a denga huaahenua, ma de hai gi dee haigamaiana hagatau a dangada.

Psalm 90:3

Koe e hai dangada gi ahe ange gi de gelegele, ma de hagadaba, “Dama a dangada, goodou aahe ange gi de gelegele.”

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Ecclesiastes 9:6

Olaadeu aaloha, delaadeu kino ma delaadeu lodo gaiaa gu llilo odiodi, gai e deai ange naa donu selaadeu diba i dahi mee e hai i lalo de laa.

Isaiah 2:22

Aude tali hagalodolodo ange gi dangada, e manavanava laa i luoono bongaa usu. Gai ni aha naa donu aau e mau ai?

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

1 Corinthians 2:6

Gai gimaadeu ne agoago i muna o de heiangi i magavaa o dangada gu maatua abodonu, aagai e dee go de heiangi o de masavaa go iainei, aabe go de heiangi o denga dagi i de masavaa nei, go gilaadeu gu dai llilo.