Psalm 146:10 - De Beebaa Dabu

¹⁰ Tagi Maolunga e hodooligi ga hano ai; Zion, doo Maadua e hodooligi i denga atangada alodahi. Duuhia Tagi Maolunga!

Psalm 146:10 Iomraidhean Croise

Psalm 10:16

Tagi Maolunga e hodooligi ga hano ai e dee ngado mai; denga huaahenua e maakau naa ga dee maaleva i dono henua.

Psalm 145:13

Doo nohoanga hodooligi e dee ngado mai donu, gai doo sauaa e dagi ai e dagodo i denga atangada alodahi. [Tagi Maolunga e hai hegau i de mee abodonu i ana hagatoo donu alodahi, ma de malangilangi i mee alodahi aana ne hai.]

Psalm 147:12

Jerusalem, hagaamua ina Tagi Maolunga; Zion, duuhia doo Maadua.

Exodus 15:18

Tagi Maolunga e dagi naa donu ga hano ai e dee ngado mai.”

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Isaiah 40:9

Zion, de ia e hagadele ina de longo danuaa, koe gi hanage gi honga dahi mounga maolunga. Jerusalem, go de ia e hagadele ina de longo danuaa, koe gi oo i de leo laumalie. Aude madagu, gai oo hai ange gi aduhale o Judah, “Tilo, doo Maadua gu humai!”

Isaiah 52:7

Ga dae laa de mahamaha i honga denga mounga vae o dangada e gaamai de longo danuaa, go de ia e daalaa dagodo o de nnoho paba, ma de gaamai denga longo danuaa ma de tala dagodo o de hagaola, ma de hai ange gi Zion, “Go doo Maadua e hodooligi!”

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 6:26

Au gu hagasauaa dahi hainga i dogu nohoanga hodooligi alodahi, bolo dangada alodahi gi maatagu ma de hagadubu de Maadua o Daniel. Go ia de Maadua e mouli laa ga hano ai e dee ngado mai; dono nohoanga hodooligi e dee oha naa donu, dono sauaa e dagi ai e deai naa donu se odi.

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Joel 3:17

“Gai goodou e iloo naa, bolo go au donu go Iahweh doodou Maadua, e noho laa i Zion, dogu mounga dabu. Jerusalem e hai naa gi dabu; gai de gau henua gee e dee aahe ange donu e kage mai gi honga de henua.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”