Psalm 143:8 - De Beebaa Dabu

⁸ Haia gi langona e au i taiao doo abodonu, go hiidinga au e hagadonusia goe. Agoagona mai dogu haiava e hano ai, i hiidinga au e dalodalo adu gi de goe.

Psalm 143:8 Iomraidhean Croise

Psalm 119:34

Haia gi donu ange au, gai au ga daohi dau hainga ma de daudali i mee nei i ogu lodo alodahi.

Psalm 119:73

Luoo lima ne hai au ma de hagadau dogu angaanga; haia gi dahi ogu donu ange gai au ga agoago ai au hainga.

Psalm 143:10

Agoagona mai au i de hai oo lodo, i hiidinga go koe dogu Maadua; doo Hagasaalunga danuaa gi dagina adu au i de mommee soe.

Psalm 25:20

Hagaloosia dogu mouli, gai hagaola ina ngau; aude dugua ange gilaadeu gi hagadogaa ina ngau, i hiidinga go koe dogu buibui.

Psalm 27:11

Tagi Maolunga, agoagona mai au i doo haiava, dagina adu au i de haiava soe, i hiidinga o ogu hagadaumee.

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Psalm 32:8

Au e tala adu naa ma de agoago adu goe i doo haiava e hano ai; au e tala adu naa au mee e hai aama de tilo adu goe.

Psalm 42:8

Tagi Maolunga e hagaago mai dagodo o dono lodo aloha i de laangi; gai de boo dana daahili e madali au, gai au e dalodalo ange gi de Maadua o dogu mouli.

Psalm 46:5

De Maadua e noho i kilaa, de aduhale laa e dee maua naa donu gi baguu; gai de Maadua e bale ange de aduhale laa i de ao de mee.

Psalm 5:8

Tagi Maolunga, dagina ngau i doo heohi, i hiidinga o ogu hagadaumee; haia gi soe doo haiava i ogu mada i mua.

Psalm 59:16

Aagai au e daahili naa e tuhi oo mmahi; au e oo naa i taiao ga daahili i hiidinga doo abodonu. I hiidinga go koe dogu mommee buibui makaga, gai go dogu buibui i de masavaa hai ngadaa.

Psalm 86:4

Haia gi malangilangi doo dangada hai hegau, i hiidinga au e dalodalo adu gi de goe, de Ia Aamua.

Psalm 90:14

Hagadanuaa ina gimaadeu i doo abodonu i taiao, gi llodo danuaa ai gimaadeu ma de malangilangi i taulooloa omaadeu mouli.

Isaiah 30:21

Gai noo goodou e taa gi de madau aabe e taa gi de masui, gai goodou e langona naa dahi leo i oodou dua e hai adu, “Deenei de haiava, goodou seesee ai.”

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Lamentations 3:41

Odaadeu lodo gi daangage age, ma de haalo age odaadeu lima gi de Maadua i de langi,

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Judges 13:12

Gai Manoah ga ssili ange gi de ia, “De masavaa naa huu e ssula ai au muna, gai dee hee tagodo o de mouli o tama daane nei, gai se hegau aha aana e hai?”

1 Samuel 23:12

Gai David ne ssili ange hogi, “Gai dangada o Keilah e poo naa gimaadeu ma ogu daane e gaavange gi a Saul?” Gai Tagi Maolunga ga hai ange, “Uaa, gilaadeu e gaavange naa goodou gi de ia.”