Psalm 140:3 - De Beebaa Dabu

³ Olaadeu alelo e hagamaakau bei de alelo o de labodo hagammau, de mee hagammau i lodo olaadeu malaungudu. Selah

Psalm 140:3 Iomraidhean Croise

Genesis 3:13

Gai Tagi Maolunga go de Maadua ne hai ange gi de hine, “Se hegau bee hee aau gu hai nei?” Gai de hine laa ga hai ange, “Go de labodo ne hagasengalia au, gai au ga gai.”

Psalm 57:4

Au e noho i magavaa o denga laiono; au e dagodo i magavaa o denga manu alasala: go dangada e hanu olaadeu niho e bei denga dao nnui aama dao o de mee hholu, olaadeu alelo e kangi bei denga gadilaasa.

Psalm 58:4

Gilaadeu e hagammau bei denga labodo hagammau, gai e bei de labodo hagammau e longoduli laa;

Psalm 59:7

Tilo, gilaadeu e pasa hagamaolunga, gai alaadeu muna e kangi bei de gadilaasa; gilaadeu e hagataba, “Goai naa donu e langona adaadeu muna?”

Proverbs 12:18

Muna aau e tala i mua dau maanadu e velo lodo o tangada bei de gadilaasa kangi, aagai muna a tangada heiangi e hagaieiangi tangada.

Proverbs 23:32

Muli mai gai e kadi bei de labodo, ma de hagammau bei de labodo hagammau.

Proverbs 6:14

ia e hagasaele denga hagatau baubau i ono lodo, ma de hagadee heloongoi magavaa o dangada i masavaa alodahi.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

Jeremiah 9:5

Dahi ma dahi e daahanga tangada e baa ange gi de ia, gu deai se dangada e daalaa de muna abodonu. Gilaadeu alodahi gu aabo ange i tala muna hhadu; gilaadeu e hagadee saohia gilaadeu i de hai de baubau.

Lamentations 3:62

Muna ma maanadu a ogu hagadaumee e hai baasi mai gi de au i taiao ga boo ai.

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.