Psalm 140:10 - De Beebaa Dabu

¹⁰ Haia gi malili iho denga maga ahi gi gilaadeu; gai dilia ange gi lo te ahi, ma lodo geelonga iai bela pigi, gilaadeu gu dee maua i de hiihidi age ange.

Psalm 140:10 Iomraidhean Croise

Genesis 19:24

Gai Tagi Maolunga ga hagamalili iho gi honga o Sodom ma Gomorrah denga maga ahi kaa ma de ahi mai i de langi.

Psalm 11:6

Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

Psalm 120:4

Ia e hagaduasala naa goe i denga dao kangi a taane hebagi, ma maga ahi o de manu go de broom.

Psalm 21:9

Koe e hai naa gilaadeu gi bei de mommee iai de ahi ula, i de masavaa oou e hagasula mai ai. Tagi Maolunga e daa naa gilaadeu ga odi i dono bole, gai dana ahi e dudu naa gilaadeu ga odi.

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Psalm 64:9

Dangada alodahi e maatagu naa; gilaadeu e tala naa dagodo hegau a de Maadua ma de maanadu dagodo o ana hegau gu hai.

Psalm 7:17

Au e hagaahe ange de abodonu gi Tagi Maolunga i hiidinga dono heohi, ma de daahili e tuhi de ingoo o Tagi Maolunga, de Ia Maolunga Mmao laa.

Proverbs 28:10

Tangada e dagina ange tangada heohi gi de baubau, e doo ange naa gi lo tana sele; aagai tangada e dee haisala e kave naa de boolonga danuaa.

Proverbs 28:17

Tangada e dee baba laa ono lodo i dana daa tangada ga magau, e silivaahea saele naa ga dae ai gi dono magau; gai e deai naa donu se dangada e balea ange.

Matthew 13:42

Gai de gau de langi e tili ange naa gilaadeu gi lo te ahi mmahi, go de mommee o de tangi ma de hagaida ai gauvae.

Matthew 13:50

ga tili ange gilaadeu gi de mommee o de ahi mmahi, go de mommee o de tangi ma de hagaida ai gauvae.”

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”