Psalm 139:1 - De Beebaa Dabu

¹ Tagi Maolunga, koe gu ssala ma gu iloo ogu dagodo.

Psalm 139:1 Iomraidhean Croise

2 Samuel 7:20

Gai aahee ange naa agu muna e tala? Dogu Ia Aamua go Iahweh, koe e iloo dagodo o doo dangada hai hegau!

1 Kings 8:39

gai koe hagalaangona dana dalodalo i doo mommee noho i de langi, ga degi ange ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange i lodo o dangada alodahi),

2 Kings 19:27

Aagai au e iloo doo mommee e noho ai ma mommee oou e hano aagena, ma de kona doo lili i de au.

1 Chronicles 17:18

Gai aahee ange naa agu muna e tala adu, i dau hagadubu doo dangada hai hegau? Koe e iloo dagodo o doo dangada hai hegau!

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Psalm 139:23

De Maadua, koe diiloo gi iloo ogu dagodo ma ogu lodo; hagataalea ogu dagodo gi iloo ai dagodo o agu maanadu.

Psalm 17:3

Koe gu hagatale dagodo o ogu lodo, gai ga hagataalea naa donu e goe ogu dagodo i de boo, gai koe e dee gidee dahi mee daudahi; au gu hagatau bolo au e dee haisala donu i agu muna e tala.

Psalm 44:21

gai de Maadua e iloo donu de mee nei! Go hiidinga ia e iloo mee i lodo o tangada.

Jeremiah 12:3

Tagi Maolunga, koe e iloo ogu dagodo; koe e gidee ogu dagodo ma de hagatale dagodo o ogu lodo adu gi de goe. Daagina gilaadeu gaavee bei denga ssiibi e kave laa e daa gi maakau, gai vaae gilaadeu e hagadabena ange gi de laangi o de daa gi maakau!

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Revelation 2:18

“Gai siia ange muna nei gi tangada de langi o de nohoanga dabu i Thyatira: Aanei muna a Tama a de Maadua, e ula laa luoono ganomada bei de ula o de ahi, gai luoono vae e bei bronze malamalama.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.