Psalm 135:7 - De Beebaa Dabu

⁷ Ia e hai denga hagausinga gi loage i de bido laa o henua i lalo, gai ia e hai gi loomai denga uila madali de langi ma de hagasao mai de madangi i dana mommee doange mee.

Psalm 135:7 Iomraidhean Croise

1 Kings 18:1

Dua hanu laangi lagolago, i de hagadolu ngadau, gai Tagi Maolunga ne hagaago ange ana muna gi Elijah, ga hai ange, “Hannoo hagasula ange gi Ahab, gai au e hai naa gi pala iho de langi gi honga de henua.”

De Beebaa go Job 5:10

Ia e hai gi pala iho de langi gi honga de henua, ma de hagamaluulu de mommee iai helii i vai.

Psalm 107:25

Ia ne basa donu huu, gai gu ssau de madangi mmahi, ga hagabeabeau honga tai.

Psalm 148:8

de ahi ma de uila, ma denga snow ma duudangaa haisi, ma de madangi mmahi e daudali i ana muna;

Psalm 78:26

Ia ne hai de madangi mai i dua gi ssau mai i de langi, ma de dagi de madangi mai i ngaage i dono sauaa.

Jeremiah 10:13

De masavaa oona e basa ai, gai vai i lo te langi gu hagalongaa; gai ia e hai de mama o denga vai gi hanage i luu bido o henua i lalo. Ia e hai gi laba de uila i de masavaa e pala ai de langi, ma de hagasao mai de madangi i lodo ana mommee doange mee.

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

Jeremiah 51:16

De masavaa oona e basa ai, gai vai i lo te langi gu hagangolo; ia e hai de mama o denga vai gi hanage i luu bido o henua i lalo. Ia e hai gi labalaba de uila i de masavaa e pala ai de langi, ma de hagasao mai de madangi i lodo ono mommee doange goloa.

Jonah 1:4

Gai Tagi Maolunga ne hai gi ssau dahi madangi mmahi i honga tai, gai de madangi mmahi laa ne hai ga dai maoha de vaga laa.

Zechariah 10:1

Dangidangi ange gi Tagi Maolunga gi pala ai de langi, i de masavaa e matili age ai denga manu; go Tagi Maolunga e haia de madangi ma hagausinga, go ia e hai gi pala iho de langi gi honga o dangada ma manu ssomo alodahi i lo te veelenga.

John 3:8

De madangi e ssau mai ga hano be go hee e hano laa aagena, koe e langona de leo o de madangi, aagai koe e dee iloo be go hee ne humai ai aabe go hee e hano laa aagena; gai e bei ai hogi dagodo o dangada gu haanau laa i de Hagasaalunga.”