Psalm 135:5 - De Beebaa Dabu

⁵ Au e iloo bolo Tagi Maolunga e maolunga, gai taadeu Ia Aamua e maolunga ange i denga diinonga ange laa alodahi.

Psalm 135:5 Iomraidhean Croise

Psalm 147:5

Taadeu Ia Aamua e maolunga ma de mmahi mmao; gai dono donu ange e dee maua i de haide.

Psalm 48:1

Tagi Maolunga e maolunga mmao, gai e heohi de hagalaumalie dono tuhi i lo te aduhale o taadeu Maadua. Dono mounga dabu

Psalm 89:6

Tagi Maolunga, goai e bei oo dagodo i de langi? Tagi Maolunga, goai i de gau de langi e bei oo dagodo?

Psalm 95:3

Go hiidinga Tagi Maolunga se Maadua maolunga, gai se Hodooligi e maolunga ange i denga diinonga alodahi.

Psalm 97:9

Tagi Maolunga, koe e maolunga mmao i henua i lalo alodahi, koe e maolunga ange i denga diinonga alodahi.

Isaiah 40:22

Ia e noho i honga de moana e holiagina laa henua i lalo, gai dangada e nnoho i kilaa e bei dagodo o denga itebuubuu. Ia e hhola gi madoha de langi bei dagodo o de hale malo, ma de doha mee nei bei dagodo o de hale malo e nnoho ai dangada.

Isaiah 40:25

“Gai goai oodou e hagahedae ange au aagena? Aabe goai e bei ogu dagodo?” go de Ia Dabu e hagadaba.

Daniel 3:29

Deenei ai, au e hagailoo bolo be goai naa huu dangada mai i dahi huaahenua, aabe go dangada e pasa i denga hagadaagangaa muna alodahi, e daalaa hanu muna e hai baasi ange ai gi de Maadua o Shadrak, ma Meshak aama Abednego, gai e duuduu olaadeu angaanga gi too dagidahi, ma de oha olaadeu hale ga hai gi ni hagabuudungaa gainga, go hiidinga tigi ai ange donu se Maadua ne maua i de hagaola dahi, bei dana hai ne hagaola ai nei.”

Deuteronomy 10:17

Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.