Psalm 128:1 - De Beebaa Dabu

¹ E manuuia gilaadeu alodahi e maatagu i Tagi Maolunga, ma de seesee i ono haiava.

Psalm 128:1 Iomraidhean Croise

2 Samuel 22:22

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

Psalm 103:1

Dogu hagasaalunga, koe gi duuhia Tagi Maolunga, gai ogu lodo alodahi gi duuhia dono ingoo dabu.

Psalm 103:13

Gai Tagi Maolunga e lodo aloha ange gi gilaadeu e maatagu i de ia, bei dagodo o tamana e lodo aloha ange laa gi ana dama.

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Psalm 112:1

Duuhia Tagi Maolunga! E manuuia tangada e madagu i Tagi Maolunga, ma de malangilangi mmao i ana hainga.

Psalm 115:13

Ia e hagamanuuia naa gilaadeu e maatagu i de ia, go de gau maolalo ma de gau maolunga.

Psalm 119:1

E manuuia gilaadeu e dee haisala, i delaadeu daudali i hainga a Tagi Maolunga.

Psalm 119:3

gai e dee hai hegau i mee dee heohi, aagai gilaadeu e seesee i ono lodo.

Psalm 120:1

Au ne hagahi ange Tagi Maolunga i dogu duasala, gai ia ga basa mai gi dagu dangidangi.

Psalm 121:1

Au e dangage age ga galo age gi denga mounga. Go hee e humai ai dogu bale?

Psalm 122:1

Au ne malangilangi i delaadeu hai mai gi de au, “Gidaadeu ga hulo gi de hale o Tagi Maolunga.”

Psalm 123:1

Luoogu mada e galo age gi de goe, go koe de ia e noho laa i de langi.

Psalm 124:1

Israel gi hagataba: Noo Tagi Maolunga tee bale mai gimaadeu,

Psalm 125:1

Gilaadeu e hagadonusia Tagi Maolunga e bei de mounga go Zion, e dee maua laa gi baguu gai e duu ga hano ai.

Psalm 126:1

De masavaa a Tagi Maolunga ne hagaahe ange ai de manuuia o Zion, gai gimaadeu ne bei dagodo o dangada e midi.

Psalm 127:1

Noo e dee go Tagi Maolunga e hagaduulia de hale, gai hegau a denga labagau e deai donu haigamaiana. Noo e dee go Tagi Maolunga e hagaloosia de aduhale, gai hegau a denga daane hagaloosi e deai donu haigamaiana.

Psalm 147:11

aagai Tagi Maolunga e malangilangi i gilaadeu e maatagu i de ia, ma de tali hagalodolodo ange gi dono abodonu.

Psalm 81:13

Mee naa gi hagallongo mai ogu dangada gi de au, gai Israel gi daudali i ogu lodo!

Luke 1:50

Gai ia e degi ange gi gilaadeu e maatagu i de ia, mai i dahi atangada ma dahi atangada.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Deuteronomy 28:3

Koe e manuuia naa i lo te aduhale, gai e manuuia i de mommee iai veelenga.

1 Thessalonians 4:1

Aanei amaadeu muna hagaodi: denga daina, gimaadeu e iloo bolo goodou e hagamalangilangi donu de Maadua i oodou mouli, gai gimaadeu e dangidangi adu gi goodou i hiidinga o taadeu Dagi Maolunga go Iesu Klisdo, goodou haia gi kii ange doodou hai de mee nei, bei de hai amaadeu gu agoago adu ai goodou.