Psalm 127:1 - De Beebaa Dabu

¹ Noo e dee go Tagi Maolunga e hagaduulia de hale, gai hegau a denga labagau e deai donu haigamaiana. Noo e dee go Tagi Maolunga e hagaloosia de aduhale, gai hegau a denga daane hagaloosi e deai donu haigamaiana.

Psalm 127:1 Iomraidhean Croise

1 Kings 5:12

Gai Tagi Maolunga ne gaavange gi Solomon de heiangi, bei dana hai gu hagatoo donu ange ai laa gi de ia. Gai Hiram ma Solomon gu nnoho paba, gai gilaau ga hai dahi hagatoo donu hagaheloongoi.

1 Chronicles 28:10

Koe gi donu iho bolo Tagi Maolunga gu hili goe gi hagaduulia dahi hale, e hai ai de mommee dabu. Gai koe gi lodo mmahi i de hai de hegau nei.”

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

1 Chronicles 29:19

Gai gaavange gi dagu dama go Solomon de lodo e daohi au hainga i ono lodo alodahi, ma au tala hagadonu, ma au mee gu hagasauaa, gai ia ga hagaduu ai de hale danuaa aagu gu hagadabena mee e hagaduu ai.”

Psalm 120:1

Au ne hagahi ange Tagi Maolunga i dogu duasala, gai ia ga basa mai gi dagu dangidangi.

Psalm 121:1

Au e dangage age ga galo age gi denga mounga. Go hee e humai ai dogu bale?

Psalm 122:1

Au ne malangilangi i delaadeu hai mai gi de au, “Gidaadeu ga hulo gi de hale o Tagi Maolunga.”

Psalm 123:1

Luoogu mada e galo age gi de goe, go koe de ia e noho laa i de langi.

Psalm 124:1

Israel gi hagataba: Noo Tagi Maolunga tee bale mai gimaadeu,

Psalm 125:1

Gilaadeu e hagadonusia Tagi Maolunga e bei de mounga go Zion, e dee maua laa gi baguu gai e duu ga hano ai.

Psalm 126:1

De masavaa a Tagi Maolunga ne hagaahe ange ai de manuuia o Zion, gai gimaadeu ne bei dagodo o dangada e midi.

Psalm 72:1

De Maadua, agoagona ange de hodooligi i dau hagamodu muna heohi, gai agoagona ange doo heohi gi dama a de hodooligi.

Psalm 78:69

Ia ne hagaduu dono hale dabu gi bei de mommee maolunga, gai e bei henua i lalo, aana ne hagaduu laa gi dagodo ga hano ai.

Proverbs 16:9

Tangada e hai denga hagatau i ono lodo, aagai go Tagi Maolunga e hilihilia de hai e hai ai.

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

Song of Songs 3:3

Denga daane hagaloosi ne hedae mai, i de masavaa alaadeu e hagaloosi ai i lo te aduhale. “Goodou gu gidee naa de ia oogu e aloha ai?”

Song of Songs 5:7

De gau hagaloosi ne hedae mai gi de au i de masavaa alaadeu e hagaloosi saele ai i lo te aduhale. Gilaadeu ne hagailiili au ga lagohia; denga daane hagaloosi o de buibui ne kave dogu malo e saabini ai.

Isaiah 27:3

“Go au donu, Tagi Maolunga, e diiloo ange de veelenga laa; au e hagamaluulu i vai i masavaa alodahi. Gai au e hagaloosi ange i de boo ma de laangi, gi dee humai ai dahi dangada gi vaivai haia.

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

Isaiah 62:6

Jerusalem, au gu dugu denga daane dagitilo i honga doo buibui; gai gilaadeu e dee hagapuni naa donu olaadeu ngudu i de laangi ma boo. Goodou e dalodalo ange laa gi Tagi Maolunga, goodou aude damaa hagammabu donu,

Jeremiah 51:12

Hagaduulia age dahi hagailonga i gaogao de buibui o Babylon; haia gi soa dangada e hagaloosia; hagatuu ina denga daane hagaloosi; go hiidinga Tagi Maolunga gu hai dahi hagatau gai gu hagassula donu ana mee gu tala ai dagodo o dangada e nnoho i Babylon.

Jeremiah 51:31

Dahi dangada adi muna e savini adu naa i dua o de ia ange laa; dahi dangada e gaavee de longo e savini adu naa i dua o de ia ange laa, e hagailoo ange gi de hodooligi o Babylon bolo dono aduhale alodahi gu hagadee kii ina.

1 Corinthians 15:14

Gai noo Klisdo tee mouli age, aagai teai donu haigamaiana o amaadeu agoago, gai oodou kai e deai hogi haigamaiana.

1 Corinthians 3:7

Tangada doo ma tangada hagamaluulu e dee hagamogomogo, aagai go de Maadua e haia laa ga somo e hagamogomogo.

Galatians 4:11

Au gu manavasaa kana ni ngadi hegau aagu ne hai.

Deuteronomy 8:18

Goodou hagamaanadu go Tagi Maolunga doodou Maadua, ne gaavadu oodou mahi ne maua ai nei e goodou oodou lava; gai ia ga hagasula ai dana hagatoo donu hagaheloongoi gu hagatoo donu ange ai laa gi oodou dubuna madagidagi, bei de hai oodou gu gide ai naa anailaa nei.

Joshua 2:2

Gai hanu ne tala ange gi de hodooligi o Jericho, ga hai ange, “Tilo, hanu daane Israel gu loomai gi kinei anaboo nei, e mulidagi ai de henua.”