Psalm 120:4 - De Beebaa Dabu

⁴ Ia e hagaduasala naa goe i denga dao kangi a taane hebagi, ma maga ahi o de manu go de broom.

Psalm 120:4 Iomraidhean Croise

Psalm 45:5

Dao o dau mee hholu e kangi i de tili gi ulu gi lodo o oo hagadaumee, e de hodooligi; gai denga huaahenua gu nnoho i oo lalo.

Psalm 52:5

Aagai de Maadua e daa naa goe gi magau ga hano ai; ia e poo naa goe ga kave gee i doo hale malo; ia e dada age naa goe ga aau gee i de henua e nnoho ai dangada. Selah

Psalm 57:4

Au e noho i magavaa o denga laiono; au e dagodo i magavaa o denga manu alasala: go dangada e hanu olaadeu niho e bei denga dao nnui aama dao o de mee hholu, olaadeu alelo e kangi bei denga gadilaasa.

Psalm 59:7

Tilo, gilaadeu e pasa hagamaolunga, gai alaadeu muna e kangi bei de gadilaasa; gilaadeu e hagataba, “Goai naa donu e langona adaadeu muna?”

Psalm 7:13

Ia gu hagadabena ono goloa hebagi hagamaakau; ia e hagadabena ono dao kaa.

Proverbs 11:12

Tangada lodo senga e hagangadi mee tangada e baa ange gi de ia, aagai tangada e donu ange e hagapuni dono ngudu.

Proverbs 11:18

Tangada baubau e kave denga hagaoanga hagasenga, aagai tangada e hai hegau laa i de mee heohi, e kave donu de hagaoanga abodonu.

Proverbs 11:9

De ngudu o tangada baubau e hagaduasala tangada e paa ange gi de ia, aagai de iloo mee e hai naa ga ola gilaadeu e heohi.

Proverbs 12:22

Tagi Maolunga e kino i de gau hadu muna, aagai ia e malangilangi i dangada e hai hegau i de mee abodonu.

Proverbs 16:27

Tangada e deai ono haigamaiana e hagatau de hai de baubau, gai ana muna e bei de ahi e duungia laa mee alodahi.

Proverbs 18:21

Muna a tangada iai ssauaa o de mouli aama de magau, gai dangada e aaloha ai e gai naa donu huu alaadeu muna.

Proverbs 18:8

Muna a tangada hai samu e bei denga amuamu gai mammami, gai e hulo donu ga ulu gi lodo o tangada.

Proverbs 19:5

Tangada tala hagadonu hhadu muna e dee haihai naa donu ga dee hagaduasala, gai tangada e daalaa muna hhadu e dee ola naa donu.

Proverbs 19:9

Tangada tala hagadonu hadu muna e hagaduasala donu, gai tangada e daalaa denga muna hadu e magau donu.

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”