Psalm 12:3 - De Beebaa Dabu

³ Tagi Maolunga gi duuduudia malaungudu e hagasegesege ina ange dangada, ma de alelo e basa hagamaolunga,

Psalm 12:3 Iomraidhean Croise

De Beebaa go Job 32:22

Go hiidinga noo au e iloo de hagasegesege ange dahi dangada, gai de ia ne haia ngau e moolau naa donu dana daa ngau ga magau.

Psalm 116:11

Gai au ne hagadaba i dogu madagu, “Dangada alodahi ni dangada hadu muna.”

Psalm 140:12

Au e iloo bolo Tagi Maolunga e tala hagadonu dagodo o de gau hagaau aloha, ma de hagamodu olaadeu muna olaadeu e duasala i de heohi.

Psalm 17:10

Gilaadeu e hagamakaga olaadeu lodo, gai gilaadeu e pasa hagamaolunga.

Psalm 55:22

Hagauda ina ange oo daemaha gi honga o Tagi Maolunga, gai ia ga bale adu goe; ia e dee dugu ange naa donu tangada heohi gi baguu.

Exodus 15:9

De hagadaumee ne hagadaba, ‘Au e doolohi naa ga daea adu gilaadeu, au e dae naa ogu lodo i de duha olaadeu goloa. Au e dada naa dagu gadilaasa ga daa ai gilaadeu gi maakau.’

Proverbs 18:21

Muna a tangada iai ssauaa o de mouli aama de magau, gai dangada e aaloha ai e gai naa donu huu alaadeu muna.

Proverbs 26:24

Tangada e hagammuni dagodo o ono lodo i ana muna e tala, aagai ono lodo e dagodo ai de hadu muna.

Isaiah 10:10

Au ne hagadee kii denga nohoanga hodooligi e daumaha ange laa gi denga diinonga; olaadeu diinonga e maolunga ange i diinonga o Jerusalem ma Samaria —

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Jeremiah 12:6

Oo daina, ma doo huaabodu tee hai hegau adu gi de goe i de mee abodonu; gilaadeu e kona donu de hai baasi adu gi de goe. Aude hagadonusia alaadeu muna, e dee galemu donu delaadeu pasa danuaa i de goe.

Jeremiah 9:8

Olaadeu alelo e bei tao hagamaakau, gai e tala ai muna hagasenga. Dahi ma dahi e basa danuaa ange gi tangada e baa ange, aagai ono lodo e hagatau dana hai e dugu ai ssele e dada ai ia.

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Ezekiel 28:9

E aha, e maua naa huu e goe i de hagadaba, “Au se maadua,” i madamada o dangada e daia goe ga magau? Koe e bei donu huu dagodo o dangada e maakau laa, e dee se maadua, i de masavaa alaadeu e poo ai goe ga daa gi magau.

Ezekiel 29:3

Basa ange hai ange: E hagadaba de Ia Aamua go Iahweh: Tilo, au e hai baasi adu gi de goe, Pharaoh, de hodooligi o Egypt, koe go de dragon e noho laa lodo oo saalingaa vai. Koe e hagadaba, ‘Nile niiagu; au ne hai ssaalingaa vai laa maagu.’

Daniel 7:25

Gai ia e basa hagamaolunga naa i de Ia Maolunga Mmao laa, ma de hagaduasala de gau dabu o de Ia Maolunga Mmao laa, ma de hagatale de sui denga masavaa aama denga hainga. Gai e dugu ange naa de gau dabu gi lalo dono sauaa ga dae ai gi de odi dahi masavaa, ma hanu masavaa, aama dahi baasi masavaa.

Daniel 7:8

De masavaa aagu e maanadu ai dagodo o denga hanga laa, gai tilo, dahi hanga damaa mee gu somo age i magavaa o denga hanga laa; gai e dolu hanga ne loage laa i mua gu unuunusi age ga aau gee e hai ai dahi duulanga moo de hanga damaa mee laa. Gai tilo, de hanga damaa mee laa e hanu luoono ganomada bei ganomada o tangada, ma de ngudu, gai ia e basa hagamaolunga.

Malachi 3:13

Gu kona mmao de hagadaemaha oodou muna e hai baasi mai ai gi de au, go Tagi Maolunga e hagadaba. Aagai goodou e ssili, ‘Aahee amaadeu muna ne hai baasi adu ai gi de goe?’

2 Peter 2:18

Gilaadeu e pasa hagassoenga i mee e deai haigamaiana, gai e hai hegau i lodo hakino gee o de angaanga ma e hagasengalia laa dangada, se goodo ola mai laa i daho dangada e mouli dee heohi.

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

Revelation 13:5

Gai gu dugu ange de manu alasala laa gi basa hagamaolunga e hagangadi mee ai de Maadua, aama de hagahai hegau dono sauaa i e madahaa ma lua malama.

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.