Psalm 110:6 - De Beebaa Dabu

⁶ Ia e hagamodu naa muna o denga huaahenua, ga hhao olaadeu mommee gi honu i de gau maakau; ia e daa naa denga dagi o henua i lalo alodahi.

Psalm 110:6 Iomraidhean Croise

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Psalm 68:21

De Maadua e hagabalaginagina naa biho o ono hagadaumee, go biho o olaadeu e duudagi ina de hai de baubau.

Psalm 68:22

De Ia Aamua e hagadaba, “Au e hagaahe mai naa gilaadeu mai i Bashan, au e hagaahe age naa gilaadeu i lo te moana gelo,

Isaiah 11:3

gai ia e malangilangi i de madagu i Tagi Maolunga. Ia e dee hagamodu muna i mee aana e gidee, aabe e hai dahi hilihili i ana mee e langona,

Isaiah 2:4

Ia e hagamodu naa muna o denga huaahenua, ma de hagaheloongoi magavaa o denga huaadangada soa. Gilaadeu e dugidugi naa alaadeu gadilaasa ga hai gi ni mee hagabalabala, gai e hai alaadeu dao gi ni naivi e velevele ai manu ssomo. Gai denga huaahenua e dee aahe ange naa donu e hebagi aabe e agoago ange gi de hebagi.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 42:4

Ia e dee vasega naa donu aabe baageaa ono lodo, ga dae ai gi dana hagaduu gi makaga de hagamodu muna heohi i henua i lalo. Gai dangada e nnoho i tagudai e tali hagalodolodo go ana hainga.

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Ezekiel 39:4

Gai koe e magau naa i honga denga mounga o Israel, go koe ma oo hagabuulinga hebagi ma dangada alodahi madali goe; gai au e gaavange naa oo kano gi denga hagadaagangaa manu llele ma manu lodo henua gi gaina.

Micah 4:3

Gai ia e hagamodu naa muna o dangada soa, ma de hagaheloongoi magavaa o denga huaadangada mmahi ma de mmao. Gilaadeu e dugidugi naa alaadeu gadilaasa ga hai gi ni mee hagabalabala, gai e hai alaadeu dao gi ni naivi e velevele ai manu ssomo. Gai denga huaahenua e dee aahe ange naa donu e hebagi aabe agoago ange gi de hebagi.

Habakkuk 3:13

Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

John 5:22

Gai Tamana e dee hagamodu muna o dahi, aagai ia gu dugu ange Tama gi hagamodu ina muna o mee alodahi,

Revelation 14:20

Gai mee nei ne dagadagahi i de mommee kumi uvaini i tua de aduhale, gai denga dodo ne ssali mai i de mommee kumi uvaini, ga hagahonu age ga dae age gi taula i de ngudu o de hoosa, gai de looloa o de mommee iai dodo laa se 180 maele.

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

1 Samuel 2:10

hagadaumee o Tagi Maolunga e daa naa donu gi maakau. Ia e hagababaa denga hatuli i lo te langi e hai baasi ange ai gi gilaadeu; Tagi Maolunga e hagamodu muna o henua i lalo alodahi. Ia e hagammahi de hodooligi aana e hili, gai e hagaamua ssauaa o de ia aana gu hagadabu i de lolo.”