Psalm 11:1 - De Beebaa Dabu

¹ Go Tagi Maolunga de buibui oogu e gai ange aagena. Gai gu aha gu hai mai ai naa goodou gi de au, “Hannoo mmuni i de mounga bei dagodo o dahi manu lele?

Psalm 11:1 Iomraidhean Croise

2 Chronicles 14:11

Gai Asa ga dalodalo ange gi Tagi Maolunga dono Maadua, ga hai ange, “Tagi Maolunga, e deai ange donu e bei oo dagodo, koe e bale ange tangada baageaa e hebagi ange ai gi tangada mmahi. Tagi Maolunga, demaadeu Maadua, balea mai gimaadeu, go hiidinga go koe demaadeu tali, gai gimaadeu ne loomai e hebagi ange gi de hagabuulinga hebagi soa nei i doo ingoo. Tagi Maolunga, go koe demaadeu Maadua; aude dugua ange dahi dangada gi kii i de goe.”

2 Chronicles 16:8

E aha, e dee ni hagabuulinga hebagi mmahi o de gau Ethiopia ma Libya, gai olaadeu hada hebagi ma olaadeu daane i honga hoosa e soa? Gai Tagi Maolunga ne dugu adu goe gi hagadee kii ina gilaadeu, i hiidinga koe e hagadonusia ia.

Nehemiah 6:11

Aagai au ne hai ange, “E maua naa donu taane bei au e savini e mmuni? Gai e maua e tangada bei au i de hano e ulu i lo te temple e hagaola ai dono mouli? Au e dee hano donu!”

Psalm 16:1

Dogu Maadua, buibuia ngau; go koe dogu mommee e buibui ai.

Psalm 25:2

Dogu Maadua, au e hagadonu goe; koe gi dee hagadogaa ina loo au, aabe gi dugua ange ogu hagadaumee gi tae olaadeu lodo i ogu hiidinga.

Psalm 31:14

Aagai au e gai adu gi de goe, e Tagi Maolunga, au e hagadaba, “Go koe donu dogu Maadua.”

Psalm 56:11

au e hagadonusia de Maadua; au e dee madagu donu. Gai se aha naa donu a dahi dangada e maua i de hai mai gi de au?

Psalm 7:1

Tagi Maolunga dogu Maadua, go koe dogu buibui; hagamouli ina ma de hagaola ina loo au i gilaadeu alodahi e dolohia mai au,

Psalm 7:2

gilaadeu kana oha dogu hagasaalunga bei hegau a de laiono, ma de hangahanga dogu angaanga, gai gu deai se dangada e hagaola ina mai au.

Psalm 9:10

Gilaadeu e iloo doo ingoo e hagadonusia goe; Tagi Maolunga, koe tee tili donu gilaadeu e saalaa goe.

Proverbs 6:5

Hagaola ina goe, bei dagodo o dahi dia e ola mai laa i tangada dili manu, ma de manu lele e ola mai laa i ssele a tangada dili manu.

Jeremiah 48:14

Dee hee doodou hai e hagataba ai naa, ‘Gimaadeu ni daane hebagi mmahi, gai ni daane e aabo i de hebagi?’

Luke 13:31

De masavaa laa gai denga Pharisee ne loomai ga hai ange gi de ia, “Hano gee mai i kinei, go hiidinga Herod e lodo e daa goe gi magau.”

1 Samuel 19:11

De boo laa gai a Saul ne kave hanu daane gi de hale o David gi dagidiiloo ai gi daia ia gi magau i taiao age. Gai Michal, de bodu o David ga hai ange gi de ia, “Noo koe e dee hano e mmuni aaboo nei, gai koe e daa naa gi magau daiao.”

1 Samuel 20:38

Jonathan ne hai ange hogi gi tama daane gauligi laa, “Hagamoolau hannoo, aude daalia dahi mee!” Gai tama daane madali Jonathan ne hano ga hagabudu denga dao o de mee hholu ga hagaahe mai gi dono dangada aamua.

1 Samuel 22:3

Gai David ne hano gee mai i Adullam ga hano gi Mizpeh i Moab, ga hai ange gi de hodooligi o Moab, “Au e dangidangi adu koe gi dugua ange luoogu maadua gi nnoho i oo daha, ga dae ai gi dagu iloo de hagatau a de Maadua mai gi de au.”

1 Samuel 23:14

Gai David ne noho i lodo mommee makaga i de vao, ma mommee iai mounga i de vao o Ziph. Laangi alodahi gai a Saul ne ssala ia, aagai de Maadua tee dugu ange David gi de ia.

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”