Psalm 109:23 - De Beebaa Dabu

²³ Au gu bei de goohunga i de ahiahi gu dai lilo laa, gai au gu bei de itebuubuu e luuluu ina laa ga doo.

Psalm 109:23 Iomraidhean Croise

1 Chronicles 29:15

Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo.

De Beebaa go Job 14:2

Ia e hanage bei de huaala, gai e moolau donu hogi de mmae; ia e bei de goohunga e lilo laa, e dee maua donu gi daulooloa.

Psalm 102:12

Aagai koe, Tagi Maolunga, e hodooligi ga hano ai; doo ingoo e dee ngalo naa donu i daho denga atangada alodahi.

Psalm 144:4

Tangada e bei de madangi o de manava; ono laangi e mouli ai e bei de goohunga e ngalue laa.

Exodus 10:13

Gai Moses ga poo dono dogo ga haalo gi lo te moana i honga de henua go Egypt, gai Tagi Maolunga ga hai gi ssau mai de madangi i dua i honga de henua alodahi i de laangi laa ma de boo laa alodahi. Gai de masavaa huu ne ao ai de mee, gai de madangi mai i dua gu ili mai denga itebuubuu gi honga de henua.

Exodus 10:19

Gai Tagi Maolunga ga hai gi dahuli de madangi mmahi ga humai i dai, ga ili denga itebuubuu ga kave gi lo te Dai Mmea, gai gu deai donu se itebuubuu daudahi e doe i honga de henua alodahi o Egypt.

Ecclesiastes 6:12

Gai goai e iloo be se aha e danuaa ange gi tangada i dono mouli, i laangi momo ma teai haigamaiana oona e mouli ai nei, gai e moolau de odi bei dagodo o de goohunga? Gai goai e maua i de tala ange gi de ia be ni aha e hai i lalo de laa i dua dono magau?

Ecclesiastes 8:13

Gai go hiidinga de gau baubau e dee maatagu i de Maadua, gilaadeu e dee duadonu, gai olaadeu mouli e dee daulooloa, bei dagodo o de goohunga e moolau laa de lilo.

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.