Psalm 109:22 - De Beebaa Dabu

²² Au gu duasala ma de hagaaloha ogu dagodo, gai ogu lodo gu daemaha mmao.

Psalm 109:22 Iomraidhean Croise

2 Kings 4:27

Gai de masavaa huu o de hine laa ne dae mai ai gi daho taane o de Maadua i de mounga laa, gai ia ga humai ga poo luu vae o taane laa. Gai Gehazi ga humai e usu ia gi daha, gai taane o de Maadua ga hai ange, “Dugua donu huu ia! De hine nei gu daemaha mmao ono lodo, gai Tagi Maolunga tigi hagaago mai gi de au be aahee hiidinga.”

De Beebaa go Job 6:4

Denga dao a de Ia Mmahi Mmao laa gu tili ma gu ulu au, gai au gu unu olaadeu mee hagammau; mee hagamaatagu a de Maadua gu hagatau e hai baasi mai gi de au.

Psalm 102:4

Ogu lodo e bei denga helii gu duuduu laa ma gu mmae, au gu ngalo de gaimee.

Psalm 109:16

Go hiidinga ia tee maanadu de hai hegau i de abodonu, gai ne vaivai hai de gau hagaau aloha ma de duasala, aama gilaadeu e daemaha mmao laa.

Psalm 22:6

Aagai au se ilo e dee se dangada, dangada e kino ma de hagangadi mee au.

Psalm 25:16

Huli mai gi de au, gai abodonu mai gi de au; i hiidinga au gu hagaaloha ogu dagodo ma de duasala.

Psalm 40:17

Gai ogu dagodo, au se dangada hagaau aloha ma de duasala; gai de Ia Aamua gi manadua mai au. Go koe dogu bale aama dogu Ia Hagaola; dogu Maadua, koe gi dee hagammule mai!

Psalm 86:1

Tagi Maolunga, hagalaangona mage basa mai gi de au, go hiidinga au e daemaha ma de duasala.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Luke 22:44

Gai ia ne dalodalo hagammahi i de daemaha mmao ono lodo, gai ono daadaa gu bei denga madaua dodo nnui gu too iho gi honga de gelegele.

John 12:27

“Ogu lodo gu daemaha mmao iainei. Gai aahee naa agu muna e tala ange? ‘Tamana, hagaola ina mai au i de aoaa nei’? E deai, gai aanei donu ogu hiidinga ne duu ange ai nei gi de aoaa nei.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.