Psalm 109:15 - De Beebaa Dabu

¹⁵ Olaadeu haisala gi daakodo donu huu i mada i mua o Tagi Maolunga i masavaa alodahi, gai ia ga hai ai gi deai dangada e manadua gilaadeu i de henua.

Psalm 109:15 Iomraidhean Croise

De Beebaa go Job 18:17

Gu deai sono hagamaanadu i henua i lalo, gai dono ingoo gu lilo i honga de henua.

Psalm 109:13

Dono aamuli gi odi i de maakau; gai sooloa gi deai olaadeu ingoo mai i de atangada i olaadeu dua.

Psalm 34:16

Tagi Maolunga e hai baasi ange gi de gau baubau, ma de hai gi deai selaadeu hagamaanadu i henua i lalo.

Psalm 34:17

Gilaadeu e heohi e tangi, gai Tagi Maolunga e langona delaadeu tangi; ia e hagaola gilaadeu mai i olaadeu hai ngadaa alodahi.

Psalm 51:9

Hagamuunia luoo mada i ogu haisala, gai sooloa ogu baubau alodahi.

Psalm 90:8

Koe e gidee omaadeu baubau, gai omaadeu haisala e hagammuni laa e daakodo donu i mada luoo mada.

Isaiah 65:15

Gai doodou ingoo e hai naa ga se mee hagamalaia ange gi dangada aagu gu hili; gai de Ia Aamua go Iahweh e daa naa goodou ga maakau, aagai ia e gaavange naa dahi ingoo hoou moo ogu dangada hai hegau.

Jeremiah 2:22

Gai ga gaugau naa donu goe i denga lye ma de soobe i soobe lagolago, gai oo baubau goi daakodo donu i ogu mada i mua, go de Ia Aamua go Iahweh e hagadaba.

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Amos 8:7

Tagi Maolunga a Jacob e tala tuhi laa gu hagatoo donu: “Ni muna abodonu, au e dee ngalo naa donu alaadeu hegau ne hai.

Deuteronomy 32:34

“E aha, tee dugua e au de mee nei ga doange, ma de pono ange i lodo ogu mommee doange goloa?