Psalm 109:13 - De Beebaa Dabu

¹³ Dono aamuli gi odi i de maakau; gai sooloa gi deai olaadeu ingoo mai i de atangada i olaadeu dua.

Psalm 109:13 Iomraidhean Croise

1 Kings 16:11

De masavaa o Zimri ne dae ange ai ga hodooligi, gai ia ne hagamoolau ga daa gu maakau de huaabodu alodahi o Baasha. Ia tee hagaola donu dahi daane daudahi aabe go dahi ono soa.

Esther 9:10

go denga dama daane e dinoangahulu a Haman, tama daane a Hammedatha, de hagadaumee o de gau Ssuu. Aagai de gau Ssuu tee kave donu dahi olaadeu goloa daudahi.

De Beebaa go Job 18:17

Gu deai sono hagamaanadu i henua i lalo, gai dono ingoo gu lilo i honga de henua.

De Beebaa go Job 18:19

Ia gu deai donu ono hagadiilinga be se aamuli i magavaa o ono dangada, gai gu deai hogi dangada e mouli i dono mommee nogo noho ai.

Psalm 21:10

Koe e daa naa olaadeu aamuli ga deai e doe i henua i lalo, ma teai olaadeu hagadiilinga e doe i magavaa o dangada.

Psalm 21:11

Noo gilaadeu e hagatau e hai baasi adu gi de goe ma de hai denga maanadu de vaivai daakodo, gai alaadeu hagatau e dee ssula donu.

Psalm 37:28

Tagi Maolunga e lodo i de hagamodu muna heohi; gai e dee tili donu ono dangada e hai hegau laa i de muna abodonu. Ia e buibui gilaadeu ga hano ai, aagai hagadiilinga o tangada baubau e llilo naa donu.

Proverbs 10:7

De hagamaanadu o tangada heohi se manuuia, aagai ingoo o de gau baubau e pobo naa ga llilo.

Jeremiah 22:30

E hagadaba Tagi Maolunga: “Daohia dagodo o taane nei be se daane e deai ana dama, gai se daane e dee hagadagadaga age i de masavaa oona e mouli ai, go hiidinga e deai naa donu ono hagadiilinga e sula, gai e deai naa donu e dagi i de nohoanga hodooligi o David aabe aahe ange e hodooligi i Judah.”

Numbers 27:4

Gai gu aha gu deai ai laa se ingoo o demaadeu damana madali dono aamuli, go hiidinga laa ia teai sana dama daane? Vaaea mai dahi gelegele moomaadeu madali de huaabodu o demaadeu damana.”

Deuteronomy 25:19

Deelaa ai, de masavaa naa huu a Tagi Maolunga doodou Maadua e hai ai goodou ga nnoho paba, i de henua a Tagi Maolunga doodou Maadua e gaavadu gi goodou gi henua ai, gai goodou gu dee maatagu i oodou hagadaumee e nnoho i oodou gaogao, gai goodou ga hai gi deai se dangada Amalek e doe i lalo de langi. Goodou e dee ngalo donu de mee nei!

Deuteronomy 29:20

Gai Tagi Maolunga e dee degi ange naa donu gi de ia, aagai de lili o Tagi Maolunga ma dono maagoda e hai baasi ange donu gi tangada nei, bei dagodo o de useahi. Gai hagamalaia alodahi gu sisi laa i lo te beebaa nei, e hai ange naa gi de ia, gai Tagi Maolunga e hai naa gi dee manadua dono ingoo i lalo de langi.

Deuteronomy 9:14

Aude buibuia ngau, gai au ga hai nei gi odi gilaadeu i de maakau gi deai ai se gilaadeu e doe i honga de henua. Gai au ga hai doo aamuli gi se huaahenua e mmahi ange ma de soa ange i gilaadeu.”

1 Samuel 3:13

Gai au gu tala ange gi de ia, bolo au e hagaduasala donu dono huaabodu ga hano ai, i hiidinga o haisala o luaana dama daane aana gu iloo laa; gilaau ne hagangadi mee au, aagai ia tee hai gilaau gi dee haia.