Psalm 104:4 - De Beebaa Dabu

⁴ Ia ne hai denga madangi go ono dangada hagailoo, gai denga uila go ono dangada hai hegau.

Psalm 104:4 Iomraidhean Croise

2 Kings 2:11

De masavaa olaau e seesee ai ma e hulo ma de madaangudu, gai tilo, dahi hada iai de ahi ma denga hoosa iai de ahi ula gu humai ga vvae gilaau. Gai Elijah gu gaavage gi de langi i lo te sio.

2 Kings 6:17

Gai Elisha ga dalodalo, ga hai ange, “Tagi Maolunga, au e dangidangi adu koe gi huugea luoono mada gi gidee ai e ia.” Gai Tagi Maolunga ga hhuge luu mada o taane laa, gai ia gu gidee bolo honga de mounga gu honu i denga hoosa ma denga hada hebagi e ula bei de ahi, gai gilaadeu e duuli luu baasi de mommee o Elisha iai.

Psalm 148:8

de ahi ma de uila, ma denga snow ma duudangaa haisi, ma de madangi mmahi e daudali i ana muna;

Ezekiel 1:13

Gai hoolinga o denga mee mouli laa e bei maga ahi o de ahi ula, ma denga laama. Gai de ahi e aheahe saele i magavaa o denga mee mouli laa; gai e kona mmao de maalama, gai denga uila e labalaba mai i ono lodo.

Zechariah 6:5

Tangada de langi laa ne hai mai gi de au, “Aanei denga madangi e haa o de langi ne ssao mai laa i dua delaadeu hulo gi mada i mua o de Ia Aamua o henua i lalo alodahi.

Acts 23:8

Go hiidinga denga Sadducee e hagataba bolo e deai donu se mouli age, gai e deai hogi dangada de langi aabe ni hagasaalunga; gai denga Pharisee e tala bolo e hai donu mee nei.

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

Hebrews 1:7

Ia ne hagadaba hogi i dagodo o denga dangada de langi, “Ia e hai ono dangada de langi gi bei denga madangi, gai gi ni dangada hai hegau niiona e bei de ahi e ula.”