Psalm 103:12 - De Beebaa Dabu

¹² Gai ia gu hagammao odaadeu haisala mai i gidaadeu bei de mmao o dua mai i dai.

Psalm 103:12 Iomraidhean Croise

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

Psalm 113:3

Gai hagadegi ina de ingoo o Tagi Maolunga mai i de sobo age o de laa ga dae ai gi de danu!

Psalm 50:1

De Maadua Mmahi Mmao laa, go Iahweh e basa ma de hagahi henua i lalo mai i de sobo age o de laa ga dae ai gi de danu.

Isaiah 38:17

Tilo, ne hanu donu haigamaiana de kona dogu hagaduasala i de mee nei. Koe ne aloha i de au ga daohi dogu mouli mai i de mommee o de gau maakau; koe gu huli ange doo dua gi ogu haisala alodahi.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Isaiah 45:6

gi iloo ai e dangada alodahi mai i de sobo age o de laa ga dae ai gi de danu, bolo e deai ange donu se Maadua bei au; gai go au donu go Iahweh, e deai ange donu.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”

Jeremiah 50:20

Laangi laa ma de masavaa laa, go Tagi Maolunga e hagadaba, gai e ssala naa gi gidee baubau o Israel, aagai e deai naa donu haisala e gidee; e ssala naa hogi gi gidee haisala o Judah, aagai e deai naa hogi e gidee, go hiidinga au e degi ange naa gi dangada aagu e hagaola.

Ezekiel 18:22

Gai e deai donu se baubau aana ne hai i mua e dau ange gi de ia. Gai ia e mouli donu i hiidinga mee heohi aana gu hai.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Micah 7:19

Koe e ahe ange naa ga abodonu mai gi gimaadeu; koe e dagadagahi naa omaadeu haisala gi lalo luoo vae, ma de tili omaadeu haisala alodahi gi lo te moana gelo.

Hebrews 10:2

Gai noo ne maua, gai tee tuu donu de hai denga sigidaumaha laa. Go hiidinga dangada ne daumaha i mee nei gu gilimalali ga hano ai, gai tagi i olaadeu lodo gu dee daemaha i haisala.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.