Psalm 102:2 - De Beebaa Dabu

² Koe gi dee hagamuunia luoo mada i de au i de masavaa oogu e duasala ai. Hulia mai doo dalinga gi de au; hagamoolau basa mai gi de au, i de masavaa aagu e hagahi adu ai goe.

Psalm 102:2 Iomraidhean Croise

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

De Beebaa go Job 7:21

Gu aha gu dee degi mai ai naa goe gi de au, ga tala ogu haisala? Go hiidinga e dee mmule naa donu, gai au gu magau ga danu, gai koe gu dee gidee ange au, i dau masavaa e ssala ai au.”

Psalm 104:29

Koe ne hagammuni luoo mada, gai gilaadeu gu maatagu; noo koe gu kave olaadeu manava, gai gilaadeu gu maakau, ga aahe ange gi de gelegele.

Psalm 13:1

Tagi Maolunga, dee hee maa taulooloa dau hagangalo au? Dee hee maa taulooloa dau hagammuni luoo mada i de au?

Psalm 143:7

Tagi Maolunga, hagamoolau basa mai gi de au; dogu hagasaalunga gu daemaha mmao. Koe gi dee hagamuunia luoo mada i de au, ana vakaa au ga bei gilaadeu e hulo laa gi de mommee o de gau maakau.

Psalm 17:1

Tagi Maolunga, hagalaangona dogu heohi, hagasula ina dagu dangidangi! Hagalaangona dagu dalodalo — se dangidangi e dee hai i de hagasenga!

Psalm 22:19

Aagai koe, Tagi Maolunga, aude hagammao gee i de au! Go koe ogu mahi, hagamoolau balea mai au.

Psalm 27:9

Koe gi dee hagamuunia luoo mada i de au, koe gi dee alualumia doo dangada hai hegau i doo lili; go koe nogo balea mai au. De Maadua, dogu Ia Hagaola, koe gi dee kino aabe gi hano gee mai i ogu daha.

Psalm 31:2

Hagabaa ina mai doo dalinga gi de au, hagamoolau mai hagaola ina dogu mouli. Go koe de baba oogu e mmuni ai, gai go de hale buibui makaga oogu e ola ai.

Psalm 40:13

Tagi Maolunga, koe gi malangilangi i de hagaola mai au; Tagi Maolunga, koe gi hagamoolau balea mai au.

Psalm 69:17

Aude hagamuunia luoo mada i de au, doo dangada hai hegau; hagamoolau basa mai gi dagu dalodalo, i hiidinga au gu duasala mmao.

Psalm 70:1

De Maadua, hagaola ina mai au; Tagi Maolunga, hagamoolau balea mai au!

Psalm 71:2

Hagaola ina mai au ma de hagamouli au i hiidinga koe e heohi; huli mai doo dalinga ma de hagaola mai au.

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Exodus 2:24

De masavaa huu a de Maadua ne langona ai delaadeu tangi, gai ia gu manadua dana hagatoo donu hagaheloongoi madali Abraham, ma Isaac, aama Jacob.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.