Psalm 102:13 - De Beebaa Dabu

¹³ Koe e hidi age naa ga lodo aloha ange gi Zion; i hiidinga gu dae doo masavaa e abodonu ange ai, gai gu dae mai de masavaa gu hagailonga laa.

Psalm 102:13 Iomraidhean Croise

Psalm 135:13

Tagi Maolunga, doo ingoo e dagodo ga hano ai, Tagi Maolunga, atangada alodahi e hagamaanadu doo ingoo.

Psalm 44:26

Hidi age ma gi humai balea mai gimaadeu; gai hagaola ina gimaadeu i hiidinga o doo abodonu!

Psalm 51:18

Koe gi malangilangi i de hai ange tanuaa gi Zion; hagaduulia age de buibui o Jerusalem;

Psalm 7:6

Tagi Maolunga, hidi age i doo bole; hidi age hai baasi ange gi ogu hagadaumee. Alahage balea mai au; koe gi hagasula ina de hagamodu muna heohi.

Psalm 75:2

⌊E hagadaba de Maadua,⌋ “Au gu hagailonga de masavaa aagu e hagamodu ai muna i de heohi.

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

Psalm 92:9

Tagi Maolunga, galo ange diiloo oo hagadaumee; tilo, oo hagadaumee e maakau naa donu; gai gilaadeu alodahi e haia de baubau e mavaevae saele naa.

Exodus 3:15

Gai de Maadua ne hai ange hogi gi Moses, “Aanei au muna e tala ange gi de gau Israel, ‘Iahweh, de Maadua o oodou dubuna madagidagi, de Maadua o Abraham, ma de Maadua o Isaac, aama de Maadua o Jacob ne haia ngau gi humai.’  Gai deenei dogu ingoo ga hano ai, gai deenei de ingoo oodou e hagamaanadu ai au i daho oodou atangada alodahi.

Isaiah 14:32

Dee hee dau hai e basa ange ai gi de gau sui o de huaahenua laa? Hai ange, “Tagi Maolunga gu hagaduu gi makaga Zion, gai ono dangada nogo vaivai haia laa e gidee naa delaadeu mommee buibui i ono daha.”

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Jeremiah 31:23

Gai e hagadaba Tagi o denga hagabuulinga hebagi, de Maadua o Israel: “De masavaa naa huu aagu e hagaahe ange ai delaadeu manuuia, gai dangada i de henua o Judah ma ono aduhale e aahe ange naa ga tala muna nei: ‘De mommee nei, Tagi Maolunga e hagamanuuia goe, de mommee nnoho iai de heohi, ma tuuduu dabu!’

Daniel 12:9

Ia ne hai mai, “Daniel, hannoo, go hiidinga muna nei gu hagammuni ma de hagailonga ga dae ai gi de hagaodi.

Acts 1:7

Ia ne hai ange gi gilaadeu, “E dee se mee niiodou de hai gi iloo de masavaa aama de laangi a Tamana gu hagamodu i dono sauaa.

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

2 Peter 3:12

i de masavaa oodou e tali ai, ma doodou llodo mmao gi moolau de dae mai de laangi o de Maadua, go hiidinga de langi e odi naa i de dudu i de ahi, gai mee i lo te langi e vaivai naa i de mahana o de ahi.

2 Peter 3:8

Ogu soa hagamogomogo, goodou gi dee ngalo bolo dahi laangi sogosogo, e bei de mano ngadau i daho Tagi Maolunga, gai de mano ngadau e bei donu huu dahi laangi.