Psalm 102:12 - De Beebaa Dabu

¹² Aagai koe, Tagi Maolunga, e hodooligi ga hano ai; doo ingoo e dee ngalo naa donu i daho denga atangada alodahi.

Psalm 102:12 Iomraidhean Croise

De Beebaa go Job 14:2

Ia e hanage bei de huaala, gai e moolau donu hogi de mmae; ia e bei de goohunga e lilo laa, e dee maua donu gi daulooloa.

De Beebaa go Job 8:9

go hiidinga gidaadeu ne haanau donu huu anaahi, e deai donu adaadeu mee e iloo, gai odaadeu laangi i henua i lalo e moolau de llilo bei dagodo o de goohunga.

Psalm 109:23

Au gu bei de goohunga i de ahiahi gu dai lilo laa, gai au gu bei de itebuubuu e luuluu ina laa ga doo.

Psalm 135:13

Tagi Maolunga, doo ingoo e dagodo ga hano ai, Tagi Maolunga, atangada alodahi e hagamaanadu doo ingoo.

Psalm 9:7

Aagai Tagi Maolunga e dagi ga hano ai; ia ne hagaduu dono nohoanga e hagamodu ai muna.

Psalm 90:6

gilaadeu e matili age ga ssomo danuaa i taiao, gai e mmade ga pobo i de ahiahi.

Exodus 3:15

Gai de Maadua ne hai ange hogi gi Moses, “Aanei au muna e tala ange gi de gau Israel, ‘Iahweh, de Maadua o oodou dubuna madagidagi, de Maadua o Abraham, ma de Maadua o Isaac, aama de Maadua o Jacob ne haia ngau gi humai.’  Gai deenei dogu ingoo ga hano ai, gai deenei de ingoo oodou e hagamaanadu ai au i daho oodou atangada alodahi.

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Isaiah 60:15

E dee galemu donu koe ne dilia ma de kino ai o dangada, gai gu deai dangada e loomai laa kilaa, aagai au e hai naa goe gi maolunga ga hano ai, gai gi se mommee e malangilangi ai denga atangada alodahi.

Lamentations 5:19

Aagai koe, e Tagi Maolunga, e hodooligi ga hano ai; doo nohoanga hodooligi e dagodo naa donu huu i denga atangada alodahi.

Deuteronomy 33:27

De Maadua e mouli laa ga hano ai, go doo buibui, gai luoono lima dee ngado mai laa e daohi age goe. Ia e aau gee naa doo hagadaumee i oo mada i mua, ga hagadaba, ‘Daia gilaadeu gi maakau!’

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.