Psalm 102:10 - De Beebaa Dabu

¹⁰ go hiidinga koe gu bole mmao; koe gu poo au ma gu maga iho gi honga de gelegele.

Psalm 102:10 Iomraidhean Croise

2 Chronicles 25:8

Aagai noo koe e maanadu bolo deenei doo hai e mmahi ai i de hebagi, gai de Maadua e hai naa oo hagadaumee gi hagadee kii ina goe, i hiidinga go mahi o de Maadua e maua i de bale aabe go de hagadee kii.”

Psalm 147:6

Tagi Maolunga e hagammahi gilaadeu e vaivai haia, aagai e hagamaolalo de gau baubau.

Psalm 38:18

Au e tala adu dagodo o ogu baubau; au gu dee baba i ogu haisala.

Psalm 38:3

Gu deai donu mahi i lo togu angaanga, i hiidinga koe gu bole; au gu kona mmao dogu magi i hiidinga o ogu haisala.

Psalm 39:11

De masavaa aau e haele ai dangada ma de hagasee gilaadeu i hiidinga olaadeu haisala, gai koe e oha ono goloa hagamogomogo bei hegau a de goa. Ni muna abodonu, dangada alodahi e bei donu huu de madangi o de manava. Selah

Psalm 42:4

Aanei agu mee e manadua, i de masavaa e duasala ai ogu lodo: au nogo hano madali dangada soa, ma de dagi gilaadeu ga hulo ai gi de hale o de Maadua; gimaadeu ne hevaalogi i de malangilangi ma de daahili tuhi, madali dangada soa i taonga.

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

2 Corinthians 4:9

gimaadeu ne vaivai haia, aagai tee dilia donu; gimaadeu ne hagaduasala ina, aagai tee maakau;