Psalm 10:8 - De Beebaa Dabu

⁸ Ia e mmuni i gaogao denga aduhale vaaligiligi ma e tali ai; ma de noho e daa gi maakau dangada tigi haisala. Ia e mmuni ma e dagitilo ai ana dangada e daa.

Psalm 10:8 Iomraidhean Croise

2 Kings 21:16

Gai Manasseh ne soa hogi dangada tigi haisala aana ne daa ga maakau, ma de hai ga dohu Jerusalem alodahi i olaadeu dodo; gai e dee deenei donu huu, gai ia ne hai hogi dangada i Judah gi haia de baubau, ga hagahaisala ai gilaadeu i mada luu mada o Tagi Maolunga.

De Beebaa go Job 24:14

Tangada daa dangada e alahage i taiao gohugohu, e daa gi maakau gilaadeu e duasala, gai ia e gaiaa i de boo bei tangada gaiaa.

Psalm 17:11

Gilaadeu e ssala ga gidee au ma de duuli luoogu baasi; gilaadeu e dagitilo e hagabaguu au gi honga de gelegele.

Psalm 94:6

Gilaadeu gu daa denga haahine gu maakau olaadeu bodu ma de gau henua gee, aama denga gauligi gu deai olaadeu damana.

Proverbs 24:15

Tangada baubau, aude noho gi daalia e hai baasi ange gi tangada heohi, aude vaivai haia dono mommee noho;

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Habakkuk 3:14

Koe ne hai ono dao ga velo ai dono biho, i de masavaa a ono daane hebagi ne loomai ai e hagamavaevae saele gimaadeu bei dagodo o ssio; gilaadeu ne malangilangi i de vaivai hai de gau hagaau aloha gu mmuni laa.

Luke 10:1

Dua mee nei, gai Tagi Maolunga ne hili e dinohidu ma dogolua dangada ga hai gi hulo dagi dogolua i ono mada i mua, gi denga aduhale ma mommee alodahi oona gu dai hano aagena.

Luke 8:1

Dua mee laa gai Iesu ne hano ga hagadaga i denga aduhale nnui ma aduhale vaaligiligi ga agoago ai, ma de hagadele de longo danuaa o de nohoanga hodooligi o de Maadua. Gai tinoangahulu ma dogolua ne hulo madali ia,

Judges 9:25

Gai denga daane o Shechem ne kave hanu daane gi mmuni i ulu mounga gi vaivai haia dangada o Abimelek, gai gilaadeu ga gaiaa mee o dangada alodahi e loadu laa gi kilaa. Gai Abimelek gu langona e ia mee laa.

1 Samuel 22:18

Gai de hodooligi ga hai ange gi Doeg, “Hannoo daia gi maakau de gau haimeedabu naa.” Gai taane Edom go Doeg ne hano ga daa gu maakau de gau haimeedabu laa. Ia ne daa ga maakau e dinovalu ma dogolima daane e kahu i de ephod linen i de laangi laa.

1 Samuel 23:23

Gai goodou diiloo hagailonga ina mommee alodahi oona e mmuni ai, gai goodou ga aahe mai ga tala mai gi de au. Gai au ga hanadu madali goodou; gai noo ia goi noho huu i honga de henua, gai au e ssala naa gi gidee ia i magavaa o dangada soa e nnoho laa i Judah.”