Psalm 10:4 - De Beebaa Dabu

⁴ Tangada baubau e dee ssala de Maadua i dono lodo hagamaolunga; gai de Maadua e dee maleva donu i lodo ana maanadu alodahi.

Psalm 10:4 Iomraidhean Croise

Genesis 6:5

Gai Tagi Maolunga gu gidee bolo gu kona mmao de baubau o dangada i henua i lalo, gai alaadeu dahulinga ma maanadu i olaadeu lodo i masavaa alodahi go de baubau donu huu.

De Beebaa go Job 22:17

Gilaadeu ne hai ange gi de Maadua, ‘Aude hakoso ina gimaadeu! Ni aha naa a de Ia Mmahi Mmao laa e maua i de hai mai gi gimaadeu?’

Psalm 101:5

Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

Psalm 18:27

Koe e hagaola gilaadeu e llodo maolalo, aagai e hagamaolalo gilaadeu e llodo maolunga.

Psalm 27:8

Koe gu hai mai, “Saalaa gi gidee e goodou luoogu mada!” Ogu lodo e hai adu gi de goe, “Tagi Maolunga, au e ssala donu gi gidee e au luoo mada!”

Psalm 36:1

De haisala e basa ange gi lodo o tangada baubau. Gai e deai donu se madagu o de Maadua i ono daha.

Psalm 53:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

Psalm 73:11

Gilaadeu e hagataba, “Dee hee de hai a de Maadua e iloo ai mee nei? E aha, e dahi nei donu iloo mee o de Ia Maolunga Mmao laa?”

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.

Proverbs 30:13

Hanu dangada e kona de lodo maolunga, gai e kona de hagangadi mee dangada.

Proverbs 30:9

kana gona odi naa huu de lagolago agu mee, gai au ga hagangadi mee goe, gai au ga hagadaba, “Goai donu go Tagi Maolunga?”, aabe e kona dogu hagaau aloha, gai au ga gaiaa, ga dee hagadubu ai de ingoo o dogu Maadua.

Proverbs 6:17

go luu mada hagamaolunga, ma de alelo hadu muna, ma lima e daia dangada tigi haisala,

Ecclesiastes 8:11

De masavaa naa huu e dee hagaduasala ai tangada i de masavaa moolau, i ana hegau baubau, gai lodo o dangada gu nnoho ai naa donu huu e hai de baubau.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Isaiah 59:7

Gilaadeu e moolau donu delaadeu hai de baubau, gai e moolau hogi delaadeu daa dangada ga magau. Gai maanadu i olaadeu lodo e baubau; gai mee gu maoha ma de oohaa e gidee i haiava olaadeu e seesee ai.

Isaiah 65:2

Au ne haalo ange luoogu lima mai i taiao ga boo ai, gi dahi huaadangada e makaga olaadeu lodo, gai ni dangada e seesee i denga haiava dee danuaa, ma de daudali i alaadeu maanadu donu huu.

Jeremiah 2:31

Goodou de atangada nei, hagalaangona muna a Tagi Maolunga: E aha, au gu bei laa dagodo o de vao i daho Israel, aabe ne bei dahi henua gohu boo dangodango? Gai gu aha ogu dangada gu hagataba ai laa, ‘Gimaadeu gu ilaage i de hulo be go hee omaadeu e llodo e hulo aagena, gimaadeu e dee aahe ange e loomai gi de goe’?

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Zephaniah 1:12

De masavaa laa, gai au e ssala naa mee i Jerusalem i denga laama, ma de hagaduasala dangada e maanadu laa bolo gilaadeu e danuaa donu huu, go gilaadeu e hagataba laa i olaadeu lodo, ‘Tagi Maolunga e deai naa donu ana mee e hai i mee nei.’

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Mark 7:21

Go hiidinga mee e ssao mai i lodo o tangada, go denga maanadu baubau, ma de hai be se manu, ma de gaiaa, ma de daa tangada gi magau, ma de gaiaa de bodu o tangada,

Acts 8:22

Deenei ai, koe gi dahuli oo lodo ma gi hano gee mai i oo baubau, ga dalodalo ange gi Tagi Maolunga, kana adu ia e degi adu gi maanadu dee heohi i oo lodo naa.

Romans 1:21

Go hiidinga gilaadeu gu iloo donu de Maadua, aagai gilaadeu tee hagamahamaha ia be se Maadua, aabe ne hagaahe ange de abodonu gi de ia, aagai alaadeu maanadu gu deai haigamaiana, gai olaadeu lodo gu hagagohu i de llodo senga.

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Ephesians 2:12

goodou manadua bolo de masavaa laa, gai goodou e vvae gee mai i Klisdo, goodou e dee dau madali de gau Israel, gai ni dangada i tua de mee, e dee dau i hagatoo donu hagaheloongoi, e deai soodou tali hagalodolodo, gai e deai donu soodou Maadua i henua i lalo.

Deuteronomy 8:14

gai goodou gu llodo maolunga, ma de ngalo Tagi Maolunga doodou Maadua ne hagassao ina mai laa goodou i de henua go Egypt, go de henua oodou nogo hagahai hegau ina ai.