Psalm 10:18 - De Beebaa Dabu

¹⁸ Go koe e hagamodu ina dagodo o denga gauligi e deai olaadeu damana ma de gau e vaivai haia, gai gi dee hagamadagu ina ai e tangada baubau gilaadeu.

Psalm 10:18 Iomraidhean Croise

Psalm 10:14

Aagai koe, de Maadua, e gidee de hai ngadaa ma de lili o tangada; koe gi suuia ange mee nei i doo lima. Go koe de tali hagalodolodo a tangada hagaaloha, go koe e balea ange denga gauligi gu deai olaadeu damana.

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Psalm 72:4

Gai ia gi balea ange gilaadeu e hagaau aloha, ma de hagaola denga gauligi e duasala, aagai gi hagaduasala ina gilaadeu e vaivai haia dangada.

Psalm 74:21

Koe gi dee hagadookaa ina gilaadeu e duasala; gai gilaadeu e hagaau aloha ma gilaadeu e duasala ga tuhi ai goe.

Psalm 82:3

Koe gi daalaa hagadonu dagodo o olaadeu e baageaa ma gilaadeu e deai olaadeu damana; gai daalaa de heohi o de gau hagaau aloha ma gilaadeu e duasala.

Psalm 9:9

Tagi Maolunga se mommee buibui makaga niiolaadeu e duasala, gai se mommee buibui makaga i de masavaa hai ngadaa.

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Deuteronomy 10:18

Gai ia e hai hegau i de hagamodu heohi ange gi denga gauligi e deai olaadeu damana, ma haahine gu maakau olaadeu bodu, ma de aloha ange gi de gau henua gee e nnoho i oodou magavaa, aama de gaavange alaadeu gai ma olaadeu malo.